Stori abaotem Job 11:6 - Pijin Bible

⁶ Hemi save talem yu dat waes tingting hemi garem plande pat long hem, an hemi had tumas fo save long barava waes tingting. Yu mas save dat God hemi panisim yu long wei wea i smol tumas winim wanem hemi fitim sin blong you.

Pijin Deuterocanon

⁶ Hemi save talem yu dat waes tingting hemi garem plande pat long hem, an hemi had tumas fo save long barava waes tingting. Yu mas save dat God hemi panisim yu long wei wea i smol tumas winim wanem hemi fitim sin blong you.

Stori abaotem Job 11:6 ပူးပေါင်းရင်းမြစ်များ

Esra 9:13

“O God blong mifala. Olketa panis wea hemi kasem mifala, hemi kamap from olketa bikfala sin blong mifala, an hemi kamap bikos hemi fitim fo mifala mas panis from olketa ya. Bat mifala luksave dat panis ya hemi smol nomoa. Hemi no kasem mak blong olketa sin blong mifala, an yu letem samfala long mifala fo stap laef, olsem yu duim tude.

Stori abaotem Job 11:5

!Man, God nomoa save ansarem yu! Mi laekem tumas fo hemi tok long yu.

Stori abaotem Job 12:13

God nomoa hemi garem waes an paoa. An hemi save tumas an tingting gudfala nomoa.

Stori abaotem Job 15:11

Mifala bin talem olketa gudfala toktok blong God long yu, mifala tok kuaet long yu ya. ?Waswe, hemi no fit fo mekem yu hapi?

Stori abaotem Job 15:5

Wanem yu ta-talem, hemi somaot nogud wei blong yu. An yu tok olsem konman.

Stori abaotem Job 15:8

?Waswe, yu bin herem olketa plan blong God taem olketa tokabaotem long heven? ?An yu tingse yu seleva nomoa yu waes?

Stori abaotem Job 22:5

Hemi panisim yu bikos yu sin tumas, an evrisamting wea yu duim hemi barava nogud.

Stori abaotem Job 28:28

So God hemi tok olsem long yumi, “Tinghae long mi Yawe, hem nao wanem hemi waes. Fo kasem gudfala save, yufala mas les long olketa nogud wei.”

Stori abaotem Job 33:12

Bat mi talem long yu, yu rong nao ya. God hemi hae moa winim evriwan.

Stori abaotem Job 9:4

God hemi barava waes tumas, an hemi garem evri paoa. An no eniwan save agensim hem, an winim hem.

Sams 103:10

Hemi no save panisim yumi fitim olketa sin blong yumi, an hemi no save sensimbaek olketa nogud wei blong yumi.

Sams 25:14

Lod Yawe, yu frengud wetem olketa pipol hu i obeim yu, an yu gohed fo mekem olketa savegud long spesol agrimen ya, wea yu bin mekem bifoa wetem olketa grani blong olketa.

Lamentesin 3:22

Wei blong Yawe fo tinghevi long yumi, hemi no save finis. Wei blong hem fo sore an kaen long yumi, hemi gohed olowe nomoa.

Daniel 2:28

Bat God long heven nao save somaot olketa samting wea hemi staphaed. An hemi somaot finis long yu olketa samting wea bae hemi hapen. Bae mi talemaot drim ya long yu nao, an wanem yu tingse yu lukim taem yu slip. Hemi olsem:

Daniel 2:47

King ya hemi tok olsem long Daniel, “Hemi tru tumas, God blong yu nao hemi hae moa winim evri narafala god, an hemi Masta long evri king. Hem nao hemi God hu hemi save somaot evrisamting wea hemi staphaed. Dastawe nao yu save talemaot mining blong samting ya wea hemi staphaed from mi.”

Matiu 13:35

Hemi duim diswan, mekem toktok wea God hemi mekem wanfala profet fo talemaot kam bifoa, hemi kamtru nao, wea hemi sei, “Bae mi yusim olketa tokpiksa taem mi toktok wetem olketa. Bae mi talemaot olketa samting wea no eniwan save yet, stat kam taem God hemi mekem disfala wol.”

Efesas 3:5

Long bifoa kam, God hemi no talem pipol abaotem disfala plan wea hemi staphaed. Bat distaem nao, Spirit blong God hemi somaot diswan finis long olketa holi aposol an profet blong hem.

Diutronomi 29:29

“Yawe, God blong yumi, hemi garem samfala tingting blong hem wea hemi haedem, bat hemi talemaot olketa lo blong hem finis long yumi, an long olketa wea bae i kamaot bihaen long yumi, so yumi mas obeim hem olowe nao.”