Stori abaotem Job 11:16 - Pijin Bible

¹⁶ An bae yu save fogetem olketa trabol blong yu. Ya, bae yu tingim nomoa trabol ya olsem flad wea hemi finis.

Pijin Deuterocanon

¹⁶ An bae yu save fogetem olketa trabol blong yu. Ya, bae yu tingim nomoa trabol ya olsem flad wea hemi finis.

Stori abaotem Job 11:16 ပူးပေါင်းရင်းမြစ်များ

Jenesis 41:51

Taem fasbon blong hem hemi bon, Josef hemi tok olsem, “God hemi mekem mi save fogetem nao evri hadwaka blong mi long Ijip, an evri nogud samting wea olketa long famili blong dadi blong mi i bin duim long mi.” So hemi kolem pikinini ya Manase.

Jenesis 9:11

Mi mekem disfala spesol promis wetem yufala olsem. Bae mi no sendem moa bikfala wata olsem fo kambaek draonem yufala fo dae. Bae bikfala wata olsem ya hemi no spoelem moa wol ya.”

Stori abaotem Job 22:11

Ya, dastawe tudak hemi kam long yu an yu nating save lukluk. An hemi olsem wata hemi ran bikfala, an hemi draonem yu nao.

Stori abaotem Job 6:15

Bat mi no save trastem olketa fren blong mi. Olketa ya i olsem wanfala smol riva wea hemi drae taem no eni ren hemi kam.

Provebs 31:7

Kaen pipol save spaka an fogetem ravis laef blong olketa, an no tingim wei wea olketa filnogud tumas.

Eklesiastes 5:20

So man ya hemi no wari tumas long laef blong hem, bikos God hemi mekem hem hapi tumas.

Aesaea 54:4

“!Yufala no fraet! !No eniwan bae hemi mekem yufala fo sem moa! !An no eniwan bae hemi lukdaon moa long yufala! Bae yufala fogetem finis taem wea yufala bin olsem wanfala yang woman hu hemi olobaot nomoa wetem olketa narafala man, o olsem wanfala wido hu hemi stap seleva an hemi barava laekem tumas fo garem hasban.

Aesaea 54:9

“Long datfala taem blong Noa, mi bin mekem wanfala strongfala promis wea bae mi no draonem moa disfala wol long wata. Long sem wei tu, mi promis distaem fo no barava kros moa long yufala olsem. Ya, bae mi no hatem yufala tumas olsem, an bae mi no panisim yufala tumas olsem.

Aesaea 65:16

Sapos eniwan long kantri ya hemi ask fo blesing, bae hemi askem long nem blong God hu Hemi Toktru. An sapos eniwan hemi mekem strongfala promis, bae hemi promis long nem blong God hu Hemi Toktru. Evri trabol wea hemi kasem olketa bifoa, bae hemi finis nao, an bae mi no save tingim tu.”

Gudnius abaotem Jisas Kraes wea Jon hemi raetem 16:21

Taem woman hemi kolsap fo bonem pikinini, hemi sore tumas ya bikos hemi kasem taem blong hem fo filsoa. Bat taem hemi bonem pikinini finis, hemi fogetem taem blong filsoa nao, bikos hemi hapi from pikinini wea hemi bon kam finis.