Stori abaotem Job 11:14 - Pijin Bible

¹⁴ Yu mas lusim olketa nogud wei blong yu, an yu mas no letem eni ravis samting fo gohed long ples blong yu.

Pijin Deuterocanon

¹⁴ Yu mas lusim olketa nogud wei blong yu, an yu mas no letem eni ravis samting fo gohed long ples blong yu.

Stori abaotem Job 11:14 ပူးပေါင်းရင်းမြစ်များ

Stori abaotem Job 22:23

Taem yu tane gobaek long God hu hemi garem evri paoa, an yu aotem ravis wei from laef blong yu, bae yu kamap gud moa.

Jemes 4:8

Yufala mas kam kolsap long God, an bae hemi kam kolsap long yufala. Yufala mas lusim evri sin blong yufala, an yufala mas no garem tufala tingting moa. Bat yufala mas tingting wansaet nomoa long God.

Aesaea 1:15

“Sapos yufala liftimap han blong yufala fo prea kam long mi, bae mi tanem fes blong mi from yufala. Nomata yufala mekem staka prea kam long mi, bae mi no save lisin long yufala bikos yufala gohed fo duim olketa ravis samting olsem wea han blong yufala hemi fulap finis long blad.

Sams 101:2

Mi laekem tumas fo yu kam long mi mekem mi falom wei blong yu wea hemi stret fogud. Long evrisamting wea mi duim fo rulim pipol blong yu, bae mi falom evri wei wea hemi stret long ae blong yu.

Stori abaotem Job 34:32

Yu mas askem hem fo hemi somaot olketa rong blong yu wea yu no save lukim. An yu mas promis long hem wea bae yu no duim moa.

Stori abaotem Job 22:5

Hemi panisim yu bikos yu sin tumas, an evrisamting wea yu duim hemi barava nogud.

Stori abaotem Job 4:7

Yu trae fo tingabaotem eniwan hu hemi stret nomoa. ?Waswe, kaen man ya hemi save lus? ?Waswe, yu lukim bikfala trabol i kasem hem ya?

Jenesis 4:7

Sapos wei blong yu hemi stret, bae ae blong yu hemi jes luk hapi. Bat bikos wei blong yu hemi no stret, disfala nogud wei ya hemi olsem wanfala wael animol wea hemi stap kolsap long yu an hemi redi fo spoelem yu. Disfala nogud wei ya hemi laekem tumas fo winim yu ya, bat yu mas winim hem.”

1 Samuel 7:3

Profet Samuel hemi tok long olketa blong Israel olsem, “Olketa, sapos yufala wande tanem evri tingting blong yufala fo kambaek long Yawe, yufala mas torowe olketa tambu kaving blong disfala woman god Astarot wetem olketa narafala god. An yufala mas givim ful laef blong yufala long Yawe an yufala mas wosipim hem nomoa. Sapos olsem, bae hemi sevem yufala from paoa blong pipol blong Filistia.”

2 Kings 17:13

Yawe hemi bin sendem olketa profet blong hem fo go wonem pipol blong Israel an pipol blong Jiuda olsem, “Yufala mas lusim olketa ravis wei blong yufala. Yufala mas obeim olketa toktok an tising blong mi wea i stap finis long Lo blong mi wea mi talemaot long olketa olo blong yufala bifoa. Olketa wakaman blong mi, olketa profet, olketa nao bin kam fo talemaot long yufala.”

Stori abaotem Job 8:6

Sapos laef blong yu hemi gud an hemi stret, bae hemi stat fo helpem yu. An evrisamting wea yu garem fastaem, bae hemi givimbaek long yu.