Stori abaotem Job 10:9 - Pijin Bible

⁹ Yu tingim fastaem, wea yu nao bin mekem mi long graon. ?Waswe, bae yu krasim mi, mekem mi kamap moa olsem dast?

Pijin Deuterocanon

⁹ Yu tingim fastaem, wea yu nao bin mekem mi long graon. ?Waswe, bae yu krasim mi, mekem mi kamap moa olsem dast?

Stori abaotem Job 10:9 ပူးပေါင်းရင်းမြစ်များ

Jenesis 2:7

Nao Yawe hemi tekem graon an hemi mekem wanfala man long hem, an hemi blou long nous blong hem fo mekem hemi garem laef. Nao long wei ya, man ya hemi laef.

Jenesis 3:19

Bae yu gohed fo waka had tumas, an yu gohed fo suet, fo mekem graon ya hemi garem kaikai, go-go kasem taem wea bodi blong yu bae hemi gobaek moa long graon ya wea mi bin wakem yu long hem. Mi bin wakem yu long graon ya, an bae yu gobaek moa long hem.”

Stori abaotem Job 10:10

Yu nao yu mekem wata blong dadi blong mi i go insaet long bele blong mami blong mi. An yu mekem mi grou insaet long bele blong hem.

Stori abaotem Job 17:14

Ating grev hemi olsem dadi blong mi. An olketa wom nao i olsem mami an sista blong mi.

Stori abaotem Job 33:6

Yumitufala i semsem nomoa long ae blong God. God hemi mekem mi tu long graon, barava olsem yu.

Stori abaotem Job 34:15

oraet, yumi evriwan long disfala wol bae i dae, an bae yumi tane gobaek moa long dast.

Stori abaotem Job 4:19

?Waswe, yu tingse bae hemi trastem nomoa man wea hemi mekem long graon? ?Yu tingse hemi save trastem nomoa man wea hemi kamaot nomoa from dast? Man save dae kuiktaem nomoa olsem wanfala smolfala bataflae wea samwan hemi kilim dae.

Stori abaotem Job 7:21

?Waswe nao yu no save fogivim eni sin blong mi? No longtaem bae mi godaon insaet long grev nao. An nomata yu lukaotem mi, bae mi no stap.

Stori abaotem Job 7:7

God, yu tingim kam laef blong mi. Laef blong mi hemi olsem nomoa lelebet win. Ating bae mi no lukim eni gudfala samting moa.

Sams 103:14

Hemi save finis wea hemi mekem yumi long graon. An hemi no fogetem wea yumi dast nomoa.

Sams 104:29

Bat taem yu no givim kaikai fo olketa, olketa save hanggre tumas. An taem yu tekemaot win blong olketa, olketa dae nao, an gobaek moa long graon wea yu bin mekem olketa long hem.

Sams 106:4

Lod Yawe, plis yu tingim mi taem yu kam fo helpem olketa pipol blong yu. Ya, taem yu kam fo tekem mifala aot from olketa hiden pipol long farawe ples, plis yu sevem mi tu.

Sams 22:15

Strong blong mi hemi finis nao, an tang blong mi hemi drae an hemi pas finis insaet long maos blong mi. An yu bin livim mi fo dae nomoa insaet long dast ya.

Sams 25:18

Plis yu tingim olketa trabol blong mi an olketa safaring blong mi, plis yu fogivim mi, an tekemaot evri sin blong mi.

Sams 78:39

Hemi save dat olketa man nomoa wea hemi save dae. Ya, hemi save dat olketa i olsem nomoa win wea hemi blou kam an hemi finis nao.

Sams 89:47

Plis yu tingting kam long mi. Mi man nomoa ya, an laef blong mi hemi sotfala nomoa. Yu bin mekem mifala fo laef, an bihaen bae mifala evriwan i dae nomoa.

Sams 90:3

Oltaem, taem mifala dae yu mekem mifala fo gobaek moa long graon. Ya, yu mekem mifala fo tane go moa long graon wea yu bin wakem mifala long hem.

Eklesiastes 12:7

Ya, bodi blong yumi bae hemi gobaek moa long graon, an disfala laef blong yumi bae hemi gobaek moa long God hu hemi bin givim hem long yumi.

Aesaea 45:9

(Profet) !Olketa! !Sore tumas long yufala hu i raoa wetem God hu hemi mekem yufala! Yufala olsem wanfala pis pot wea hemi brek finis, an hemi semsem nomoa olsem olketa narafala pis pot long ravis hip. ?Waswe, yufala tingse graon wea man hemi wakem pot long hem, save tok olsem nomoa long man hu hemi mekem hem, “?Wanem nao yu wakem ya?” ?Waswe, yufala tingse hemi save tok olsem nomoa long man, “!Yu nating save nomoa hao fo mekem pot!”?

Aesaea 64:7

No eniwan long mifala nao hemi prea moa long yu, o hemi go moa long yu mekem yu helpem hem. Mifala gohed nomoa fo sin. Dastawe nao yu lusim mifala finis, an haedem fes blong yu from mifala.

Aesaea 64:8

Lod Yawe. Nomata hemi olsem, yu nao yu Dadi blong mifala. Mifala olsem graon, an yu olsem man hu hemi wakem pot long graon ya. Yu nao yu mekem mifala evriwan long han blong yu.

Jeremaea 18:6

“!Olketa pipol blong Israel! ?Waswe, yufala ting olsem mi no garem raet fo wakem yufala fitim wanem mi laekem, olsem wea man garem raet fo wakem pot long graon fitim wanem hemi laekem? Yufala ya i stap long han blong mi, barava olsem nao disfala graon hemi stap long han blong man fo wakem pot.

Leta wea Pol hemi raetem go long sios long Rom 9:21

Man hu hemi mekem pot, hemi garem paoa fo falom tingting blong hem seleva, nomata hemi mekem tufala deferen pot long wanfala pis long graon. Maet wanfala pot fo yusim long spesol taem, an wanfala pot fo yusim long enitaem nomoa.

2 Korin 4:7

Bat nomata mifala garem disfala nambawan samting blong God, mifala olsem pot wea olketa wakem long graon nomoa. Hemi somaot dat disfala bikfala paoa hemi no blong mifala, bat hemi blong God.