Stori abaotem Job 10:22 - Pijin Bible

²² Tudak nomoa hemi stap long ples ya, an no enisamting hemi stret long hem. Long ples ya, no eni laet nao hemi stap, bikos laet ya hemi olsem tudak nomoa.

Pijin Deuterocanon

²² Tudak nomoa hemi stap long ples ya, an no enisamting hemi stret long hem. Long ples ya, no eni laet nao hemi stap, bikos laet ya hemi olsem tudak nomoa.

Stori abaotem Job 10:22 ပူးပေါင်းရင်းမြစ်များ

Stori abaotem Job 10:21

Kolsap fo mi go nao, an bae mi no save kambaek moa. Bae mi go long ples wea hemi tudak, an wea hemi nating garem eni laet long hem.

Stori abaotem Job 11:1

Nao Sofa from Naama hemi tok olsem:

Stori abaotem Job 17:13

Distaem, wanfala samting wea mi weitem nao, fo dae an olketa berem mi insaet long grev. An long ples ya nao, bae mi leidaon insaet long tudak.

Stori abaotem Job 3:13

Sapos mi dae yet long datfala taem ya, ating distaem mi res gudfala nao from enikaen trabol.

Stori abaotem Job 3:5

Letem tudak hemi tekova long datfala de, an letem wanfala blak klaod i kavaremap de ya, an letem tudak ya blokem laet blong san.

Stori abaotem Job 34:22

No eniples hemi barava tudak, wea hemi fitim fo olketa man nogud go haed long hem, mekem God hemi no save lukim olketa.

Stori abaotem Job 38:17

?Waswe, yu bin lukim finis, doa long ples ya blong olketa man dae wea hemi barava tudak tumas?

Sams 23:4

Lod Yawe, nomata mi gotru long ples wea hemi barava tudak an hemi ples blong dae tu, mi nating save fraet nomoa bikos yu stap wetem mi an yu lukaftarem mi wetem stik blong yu.

Sams 44:19

Bat yu lusim mifala nomoa long midol long olketa wael animol, yu no helpem mifala nomoa, an yu letem mifala stap nomoa long ples wea hemi tudak tumas.

Sams 88:12

Olketa ya i stap long ples wea hemi tudak an no eniwan save tingim nao. So olketa no save lukim moa olketa gudfala wei blong yu an olketa mirakol blong yu.

Sams 88:13

Lod Yawe. Nomata olsem, evri moning nomoa mi prea go long yu, an mi krae go long yu fo yu helpem mi.

Eklesiastes 9:10

Yumi mas barava wakahad gudfala long evrisamting wea yumi duim. Taem yumi go long ples blong man dae, bae yumi no waka, o tingting, o garem save, o garem waes.

Jeremaea 13:16

Yufala mas tinghae long Yawe, hu hemi God blong yufala. Ya, yufala mas mekhae long Yawe bifoa hemi mekem tudak fo kam, wea yufala bangam lek blong yufala taem yufala wakabaot long olketa maonten. Yufala laekem tumas fo laet hemi kam, bat bae hemi mekem tudak fo kam, wea yufala kanduit lukim enisamting.

Jeremaea 2:6

Olketa bin save dat mi nao tekem olketa aot from Ijip, an mi lidim olketa gotru long drae eria, wea sanbis nomoa hemi stap long hem an plande ston nomoa hemi fulap long hem. Ples ya hemi no garem eni wata long hem an hemi ples fo dae tu, wea no eniwan hemi wakabaot gotru long hem an no eniwan hemi stap long hem tu. An nomata mi sevem olketa olsem, olketa no save tingim mi nomoa. Olketa no lukaotem mi nomoa.

Gudnius abaotem Jisas Kraes wea Luk hemi raetem 16:26

An narasamting moa, wanfala bikfala hol tumas nao hemi stap long midol long yumi, so hemi had tumas fo eniwan long saet long mifala fo go kasem saet long yufala. An hemi had tumas tu fo eniwan long saet long yufala fo katkros kam long saet long mifala.’