Sams 94:9 - Pijin Bible

⁹ !God nomoa hemi mekem ia blong yumi! ?Waswe, yufala tingse hemi no save herehere? !An hem nao hemi mekem ae blong yumi! ?Waswe, yufala tingse hemi no save lukluk?

Pijin Deuterocanon

⁹ !God nomoa hemi mekem ia blong yumi! ?Waswe, yufala tingse hemi no save herehere? !An hem nao hemi mekem ae blong yumi! ?Waswe, yufala tingse hemi no save lukluk?

Sams 94:9 ပူးပေါင်းရင်းမြစ်များ

Sams 11:4

Yawe hemi stap long Tambuhaos blong hem. Hemi King an hemi stap kam long heven, an gohed fo rulim olketa pipol. Hemi gohed fo lukluk long olketa pipol long evri ples, an hemi save long evrisamting wea olketa gohed fo duim.

Sams 17:3

Yu save long tingting blong mi. Yu bin kam finis long mi long naet, an yu luksave finis long laef blong mi, wea mi no laekem eni ravis samting.

Sams 34:16

Bat Yawe hemi agensim olketa hu i duim olketa ravis samting. So taem olketa ya i dae, no longtaem bihaen, bae evriwan fogetem olketa nao.

Sams 44:21

hemi tru nao, wea yu save nomoa long samting ya, bikos yu save long olketa tingting blong mifala wea i haed.

Eksodas 4:11

Yawe hemi tok long hem olsem, “?Hu nao hemi mekem maos blong man? ?An hu nao hemi mekem man fo kamap iapas o fo no save toktok? ?Hu nao hemi mekem man fo hemi save lukluk, o fo hemi blaen? Mi Yawe nao, an mi nomoa save duim olketa samting ya.

Provebs 20:1

Dringim tumas waen, bae yu tokspoelem nara man. Dringim tumas bia, bae yu faet. Man spaka long tufala hemi no waes.

Provebs 20:12

Ae fo lukluk, an ia fo here, Yawe mekem tufala evriwan.

Aesaea 59:1

(Profet) !Olketa pipol blong mi! Yufala mas no tingse wea Yawe hemi no garem paoa fo sevem yufala, o hemi no herem yufala taem yufala krae go long hem fo hemi helpem yufala.

Esikiel 35:13

Mi bin herem nomoa taem yufala tokpraod an tok nogud agensim mi.

1 Korin 12:17

?Sapos bodi hemi wanfala ae nomoa, hao nao hemi save herem enisamting? ?O sapos bodi hemi wanfala ia nomoa, hao nao hemi save smelem enisamting?