Sams 92:6 - Pijin Bible

⁶ Olketa hu i no waes, an olketa hu i duim olketa krangge samting, bae olketa kanot save long wanfala samting.

Pijin Deuterocanon

⁶ Olketa hu i no waes, an olketa hu i duim olketa krangge samting, bae olketa kanot save long wanfala samting.

Sams 92:6 ပူးပေါင်းရင်းမြစ်များ

Sams 104:24

Lod Yawe, yu nao yu mekem plande samting tumas. Evrisamting ya hemi somaot dat wei blong yu hemi waes fogud. Ya, disfala wol hemi fulap long evrisamting wea yu bin mekem.

Sams 139:14

Mi preisim yu bikos wei wea yu bin mekem mi hemi barava nambawan an hemi spesol. Long evri tingting blong mi, mi barava save nao dat evrisamting yu bin mekem hemi barava gud tumas.

Sams 14:1

Olketa krangge pipol i tingse, “No eni God nomoa hemi stap.” Evri nogud pipol nomoa i stap, an olketa gohed fo duim evri ravis samting. No eniwan long olketa nao hemi stret.

Sams 32:9

Hemi nogud fo yu bikhed olsem hos o dongki, wea man hemi putum rop long maos blong hem, mekem hemi stap kuaet.”

Sams 49:10

Evriwan i save, wea nomata man hemi waes, hemi sem nomoa olsem man wea hemi no save, an man wea hemi krangge. Ya, olketa evriwan i mas dae. Olketa evriwan bae i lusim go nomoa olketa gudfala samting blong olketa, fo olketa narafala pipol.

Sams 73:22

mi barava krangge tumas, an mi nating tingim yu nao.

Sams 75:4

Mi talem long olketa nogud pipol ya fo no praod,

Sams 94:8

!Yufala olketa nogud pipol, yufala barava krangge fogud! ?Fo hao long nao bae yufala gohed fo krangge nomoa olsem?

Provebs 1:22

Hemi tok olsem, “?Yufala hu i no garem save, hao long nao bae yufala stap olsem? ?Hao long nao bae yufala krangge man i hapi fo mekfan long pipol? ?Hao long nao yufala gohed fo les long save?

Provebs 24:7

Waes tingting hemi dip tumas fo krangge man. Hemi no save tok gudfala long miting blong olketa bikman.

Provebs 30:2

Mi krangge tumas winim evriwan. Mi no garem eni gudfala save.

Aesaea 1:3

Buluka hemi save long ona blong hem, an dongki hemi save dat ona blong hem nao hemi fidim hem. Bat olketa pipol blong Israel i no save long mi nao. Ya, olketa pipol blong mi i no save long enisamting.”

Aesaea 28:29

Yawe hu hemi garem evri paoa, hemi waes tumas an hemi save tumas hao fo givim olketa gudfala toktok. An disfala waes toktok, Yawe nao hemi givim kam.

Aesaea 55:9

Olsem skae hemi barava hae tumas antap from graon, wei blong mi hemi hae tumas an hemi antap fogud from wei blong yufala, an tingting blong mi tu hemi antap fogud from tingting blong yufala.

Jeremaea 10:14

Evri pipol i krangge. Evri pipol no garem save. Olketa man fo wakem samting long gol, mas sem fogud, bikos olketa god wea olketa wakem, i laea god nomoa. Olketa no garem laef no.

Jeremaea 32:19

Olketa plan blong yu i waes tumas, an yu gohed fo mekem plande bikfala samting long paoa blong yu. Oltaem, yu gohed fo lukim olketa wei blong pipol, an yu gohed fo sensimbaek long olketa fitim wanem olketa bin duim.

Gudnius abaotem Jisas Kraes wea Luk hemi raetem 12:20

Bat God hemi tok olsem long man ya, ‘!Yu krangge man! Long disfala naet ya, bae yu barava lusim laef blong yu ya. ?An yu tingse hu nao bae hemi tekem olketa samting wea yu bin hipimap fo yu seleva?’”

1 Korin 2:14

Eniwan wea hemi no garem Holi Spirit, hemi no save tekem olketa spesol paoa wea Spirit blong God hemi givim kam. Man olsem hemi no save minim olketa samting ya, an hemi samting nating nomoa long hem. Holi Spirit ya, hem nomoa hemi save helpem yumi fo luksave long olketa spesol paoa blong hem.