Sams 90:7 - Pijin Bible

⁷ Kros blong yu nao hemi spoelem mifala. Ya, mifala fraet tumas taem yu kros long mifala.

Pijin Deuterocanon

⁷ Kros blong yu nao hemi spoelem mifala. Ya, mifala fraet tumas taem yu kros long mifala.

Sams 90:7 ပူးပေါင်းရင်းမြစ်များ

Sams 39:11

Taem yu tokstrong long man fo panisim hem fo olketa sin blong hem, yu spoelem tu olketa samting wea hemi laekem tumas, olsem wea kokoros hemi save spoelem evrisamting. Ya hemi tru, man hemi olsem nomoa wanfala smolfala win, wea hemi blou fo lelebet taem nomoa, an finis nao.

Sams 78:33

So hemi mekem bikfala trabol fo kasem olketa mekem olketa dae kuiktaem. Ya, hemi duim olsem fo sotem laef blong olketa.

Sams 90:11

No eniwan nao hemi save luksave long paoa blong disfala kros blong yu long mifala. Ya, no eniwan hemi save luksave long fraet wea bae hemi kasem mifala taem yu kros long mifala.

Sams 90:9

Taem yu kros, yu sotem nomoa laef blong mifala. Mifala save dae kuiktaem nomoa olsem lelebet win wea hemi kamaot long maos blong man.

Eksodas 14:24

Bat barava long eli moning yet, Yawe hu hemi stap long bikfala faea ya an long bikfala klaod ya, hemi luk kamdaon long ami blong Ijip, an hemi mekem olketa krangge.

Habakuk 3:12

Taem yu barava kros, yu bin maas go akros long disfala wol, an step long olketa pipol.

Hibrus 3:17

?An long olketa fotifala yia ya, olketa hu nao God hemi kros long olketa? Olketa nao olketa pipol hu i duim olketa ravis samting an olketa dae olobaot insaet long disfala drae eria ya.