Sams 88:15 - Pijin Bible

¹⁵ Stat long taem wea mi yangfala yet, ka-kam kasem tude, mi bin safa olowe nomoa from disfala sik, an kolsap fo mi dae nao. Yu bin panisim mi bikfala tumas, so mi barava wikdaon fogud.

Pijin Deuterocanon

¹⁵ Stat long taem wea mi yangfala yet, ka-kam kasem tude, mi bin safa olowe nomoa from disfala sik, an kolsap fo mi dae nao. Yu bin panisim mi bikfala tumas, so mi barava wikdaon fogud.

Sams 88:15 ပူးပေါင်းရင်းမြစ်များ

Stori abaotem Job 17:1

Laef blong mi hemi nogud nao, an dae blong mi hemi kam kolsap nao. Grev blong mi hemi redi finis.

Stori abaotem Job 30:20

God, mi krae go long yu, bat yu nating ansarem mi nomoa. Mi stanap fo prea go long yu, bat yu lukluk nomoa long mi.

Stori abaotem Job 6:4

God hu hemi garem evri paoa hemi mekem mi fo safa olsem man wea olketa sutim hem long olketa poesen aro. Poesen blong aro ya hemi go insaet long laef blong mi. Mi fraetem tumas an safa nao long olketa nogud trabol wea God hemi sendem agensim mi.

Sams 43:2

God, yu nao yu gad blong mi. ?Waswe nao yu lusim mi? ?Waswe nao mi gohed fo safa from olketa nogud samting wea olketa enemi i duim long mi?

Sams 44:25

Olketa spoelem mifala finis, an mifala leidaon long graon nao. Ya, olketa winim mifala finis, an mifala gohed fo leidaon insaet long dast nao.

Aesaea 53:10

Yawe hemi tok moa olsem, “Plan blong mi nao, fo disfala man mas safa an dae. Dae blong hem ya, hemi wanfala sakrifaes fo mekem kompensesin, mekem hemi save lukim olketa hu bae i bon kam bihaen long hem. Bae laef blong hem hemi longfala, an from olketa samting wea hemi duim, bae plan blong mi hemi kamap tru nao.

Aesaea 53:3

Evriwan i les long hem an tokspoelem hem. Plande taem hemi filnogud tumas, an hemi safa olowe nomoa. Ya, no eniwan nao hemi laek fo luk long hem. Yumi lukim hem olsem hemi samting nating nomoa.

Sekaraea 13:7

Yawe hu hemi garem evri paoa, hemi gohed fo tok olsem, ?!Naef fo faet blong mi! Yu mekredi fo agensim fren blong mi hu hemi lukaftarem sipsip blong mi. Yu kilim hem, an bae olketa sipsip ya i go olobaot. Bae mi agensim tu olketa smolfala sipsip blong mi.

Gudnius abaotem Jisas Kraes wea Luk hemi raetem 22:44

An from hemi barava sore bikfala tumas, hemi gohed fo prea strong moa, an suet blong hem hemi olsem blad nao wea hemi randaon long graon.