Sams 68:28 - Pijin Bible

²⁸ God, plis yu somaot moa paoa blong yu wea yu bin yusim bifoa fo helpem mifala.

Pijin Deuterocanon

²⁸ God, plis yu somaot moa paoa blong yu wea yu bin yusim bifoa fo helpem mifala.

Sams 68:28 ပူးပေါင်းရင်းမြစ်များ

Sams 138:8

Lod Yawe, mi save dat bae yu duim evrisamting wea yu bin promisim long mi, bikos lav blong yu fo mifala hemi no save finis. Plis yu no lusim mifala olketa pipol blong yu wea yu bin mekem. (Singsing blong Deved.)

Sams 42:8

Lod Yawe, yu nao yu God wea yu givim laef long mi. Plis yu gohed fo tinghevi long mifala long de, an long naet, bae mi singsing fo prea long yu.

Sams 44:4

Yu nao yu King blong mi, an God blong mi. Yu nao yu mekem olketa pipol blong yu fo win.

Sams 71:3

Oltaem mi kam fo haed long yu, an mi luk nomoa long yu fo yu gadem mi. Yu nao yu strongfala sef ples blong mi fo haed. Plis yu gadem mi.

Aesaea 40:31

Bat olketa hu i trastem Yawe, bae i kamap strong moa. Ya, bae olketa i strong olsem igol. Bae olketa save ran, bat no save taet. An bae olketa save wakabaot go farawe, bat no save kamap wik.

Filipae 1:6

An mi barava save dat God hu hemi bin statem disfala gudfala waka long laef blong yufala, bae hemi gohed fo finisim long datfala De blong Jisas Kraes.

2 Tesalonaeka 1:11

From olketa samting ya nao, mifala gohed fo prea fo yufala olowe. Mifala gohed fo askem God blong yumi, fo hemi mekem yufala fit fo falom disfala gudfala laef wea hemi askem yufala fo stap long hem. An mifala askem God fo yusim paoa blong hem fo helpem yufala fo falom olketa gudfala tingting blong yufala, an fo helpem yufala fo gohed long olketa gudfala waka wea yufala duim bikos yufala biliv long hem.

Jajis 4:10

Barak hemi kolem traeb blong Sebulun, wetem traeb blong Naftali fo kam lukim hem. An hemi tekem 10,000 man blong tufala traeb ya fo go wetem hem, an Debora tu hemi go wetem olketa.

1 Samuel 9:21

Nao Sol hemi tok olsem, “?Waswe nao yu talem toktok ya long mi? Mi blong traeb blong Benjamin, an traeb blong mifala hemi smol fogud long olketa traeb. An laen blong mi, hemi barava smol fogud long traeb blong Benjamin.”