Sams 62:6 - Pijin Bible

⁶ Hem nomoa hemi gadem mi, an hemi sevem mi. Hemi strongfala sefples blong mi fo haed, an olketa enemi bae i nating save winim mi.

Pijin Deuterocanon

⁶ Hem nomoa hemi gadem mi, an hemi sevem mi. Hemi strongfala sefples blong mi fo haed, an olketa enemi bae i nating save winim mi.

Sams 62:6 ပူးပေါင်းရင်းမြစ်များ

Sams 112:6

Oltaem laef blong gudfala man hemi no save bagarap, an bae olketa pipol i gohed fo tingim olketa gudfala wei blong hem.

Sams 16:8

Yawe hemi stap wetem mi olowe, an bikos hemi stap kolsap long mi, no enisamting save spoelem mi.

Sams 62:2

Hem nomoa hemi save gadem mi, an save sevem mi. Hemi strongfala sef ples blong mi fo haed, an olketa enemi bae i nating save winim mi.

Provebs 10:30

No eniwan save aotem gud pipol from lan blong olketa, bat nogud pipol bae lusim lan.

Provebs 12:7

Evri nogud man bae i lus, no eniwan bae stap. Evri gud man bae stap an laen blong hem bae kamap plande fogud.

Aesaea 45:17

Bat bae yu sevem mifala fo evritaem olowe nao, an bae mifala no save luk krangge o sem.

Hosia 1:7

Bat bae mi somaot dat mi sore long olketa pipol blong Jiuda. Mi Yawe nao mi God blong olketa, an bae mi nao mi sevem olketa. Bat bae mi no yusim man fo faet, o naef fo faet, o bou, o hos, o soldia wea hemi raedem hos, fo sevem olketa pipol ya. Bae mi seleva nao mi sevem olketa.”

Maeka 7:7

Bat mi gohed nomoa fo weitem Yawe, bikos mi barava save nao dat bae hemi kam fo sevem mi. Yawe hu hemi God blong mi bae hemi herem kam prea blong mi.