Sams 50:17 - Pijin Bible

¹⁷ Yufala les long olketa toktok blong mi, an yufala nating laekem mi fo stretem yufala.

Pijin Deuterocanon

¹⁷ Yufala les long olketa toktok blong mi, an yufala nating laekem mi fo stretem yufala.

Sams 50:17 ပူးပေါင်းရင်းမြစ်များ

1 Kings 14:9

Olketa sin wea yu mekem, hemi bikfala winim olketa sin blong olketa wea i rul fastaem long yu. Yu tanem baeksaet long mi, an yu mekem mi kros, bikos yu wakem tufala narafala god long tambu kaving blong man buluka long gol.

Nehemaea 9:26

“Bat nomata olsem, olketa agensim yu an no obeim yu, an olketa les long lo blong yu. Olketa kilim olketa profet blong yu hu bin gohed fo wonem olketa, mekem olketa tane kambaek moa long yu. Olketa mekem enikaen nogud samting nomoa fo spoelem yu.

Provebs 1:7

Stat blong save nao, yu tinghae long Yawe. Bat krangge pipol les long waes toktok an nating falom gudfala advaes.

Provebs 12:1

Yu laekem man fo stretem yu, yu nao laekem save. Yu les long man fo stretem yu, yu nao krangge.

Provebs 15:10

Man no falom stretfala wei, bae olketa panisim hem nogud. Man hemi les fo eniwan i stretem hem, bae hemi dae.

Provebs 8:36

Bat man hu hemi no faendem mi, hemi spoelem hem seleva nomoa. An eniwan hu hemi heitem mi, hemi laekem tumas fo dae.”

Aesaea 5:23

Long taem blong kot yufala mekem olketa pipol hu i duim olketa nogud samting fo go fri bikos olketa peim yufala fo duim diswan. An yufala mekem olketa stret pipol fo go long prisin taem yufala jajem olketa long kot.

Jeremaea 18:12

“Bat bae olketa tok olsem, ‘!Nomoa! Mifala no save stop nao. Mifala mas gohed nao long olketa plan wea mifala bin mekem. Bae mifala evriwan i gohed fo bikhed tumas an mas falom nomoa olketa ravis wei long haat blong mifala.’”

Jeremaea 8:9

Olketa waesman blong yufala bae i sem fogud an lusim rod blong olketa, bikos olketa les long Mesij blong mi Yawe finis. Disfala waes blong olketa hemi nogud, hemi kanduit helpem olketa.

Levitikas 26:15

Sapos yufala barava les fo obeim olketa lo an olketa toktok blong mi, mekem yufala brekem agrimen wea mi bin mekem wetem yufala,

Gudnius abaotem Jisas Kraes wea Jon hemi raetem 3:20

Eniwan hu hemi duim olketa ravis samting olsem, hemi heitem laet ya an hemi nating kam long laet ya tu, bikos hemi no laekem laet ya fo somaot olketa ravis samting wea hemi duim.

Leta wea Pol hemi raetem go long sios long Rom 1:28

An bikos olketa les fo save long God, God hemi letem olketa fo falom nomoa ravis tingting blong olketa seleva, an olketa duim nomoa olketa samting wea no fit fo pipol i duim.