Sams 44:23 - Pijin Bible

²³ !Masta, plis yu wekap! ?Waswe nao yu slip nomoa olsem? !Yu kam kuiktaem, an no les fogud long mifala!

Pijin Deuterocanon

²³ !Masta, plis yu wekap! ?Waswe nao yu slip nomoa olsem? !Yu kam kuiktaem, an no les fogud long mifala!

Sams 44:23 ပူးပေါင်းရင်းမြစ်များ

Sams 12:5

Bat Yawe hemi tok olsem, “Bikos olketa nogud pipol ya i gohed fo spoelem olketa pua pipol, an olketa gohed fo mekem olketa safa an gohed fo krae, an olketa pua pipol ya wea i laekem tumas fo stap sef, oraet, bae mi kam nao fo sevem olketa.”

Sams 35:23

Masta plis yu wekap, an yu kam nao fo gadem mi. God blong mi, plis yu wekap, an yu kam nao fo saetem mi.

Sams 44:9

Bat distaem, yu les long mifala, an yu no go wetem olketa soldia blong mifala moa nao. Ya, yu letem nomoa olketa enemi fo winim mifala.

Sams 7:6

Lod Yawe, kam an helpem mi. Olketa enemi blong mi i kros tumas long mi. Plis yu kam an stopem olketa. Yu mas kros long olketa an yu mas agensim olketa. Tokstrong long olketa, an talem olketa fo stap long wei wea hemi stret.

Sams 74:1

?God, waswe nao yu les long mifala? !Mifala i pipol blong yu nomoa ya, wea mifala olsem olketa sipsip blong yu! ?Waswe, bae yu kros olowe nomoa long mifala nao?

Sams 77:7

“?Waswe, bae Masta hemi les long mifala olowe nao? ?Waswe, bae hemi no saet moa wetem mifala nao?

Sams 78:65

Bihaen, Masta hemi wekap olsem man wea hemi bin slip. Ya, hemi olsem wanfala strongfala man wea hemi drang long waen, an hemi redi fo faet.

Sams 88:14

?Lod Yawe, waswe nao yu les long mi? ?Waswe nao yu no save luk kam moa long mi?

Aesaea 51:9

(Profet) !Yawe! !Plis yu wekap an helpem mifala! !Yusim paoa blong yu fo sevem mifala, olsem wea yu bin duim bifoa! Yu nao yu kilim dae disfala bikfala si snek ya, wea olketa kolem Rehab, an yu katem long olketa smolfala pisis.

Gudnius abaotem Jisas Kraes wea Mak hemi raetem 4:38

Bat Jisas hemi barava slip bihaen long bot nomoa wetem pilo andanit long hed blong hem. An olketa disaepol blong hem olketa wekapem hem an olketa sei, “!Ei, Tisa! ?Waswe nao yu no wari nomoa? !Yumi kolsap dae nao!”