Sams 35:23 - Pijin Bible

²³ Masta plis yu wekap, an yu kam nao fo gadem mi. God blong mi, plis yu wekap, an yu kam nao fo saetem mi.

Pijin Deuterocanon

²³ Masta plis yu wekap, an yu kam nao fo gadem mi. God blong mi, plis yu wekap, an yu kam nao fo saetem mi.

Sams 35:23 ပူးပေါင်းရင်းမြစ်များ

Sams 119:154

Plis yu helpem mi an mekem mi fri. Ya, plis yu sevem mi olsem wea yu bin promisim.

Sams 142:5

Lod Yawe, mi kol kam long yu. Plis yu helpem mi, bikos yu nao yu sefples blong mi. Yu nomoa yu evrisamting wea mi garem long disfala laef.

Sams 44:23

!Masta, plis yu wekap! ?Waswe nao yu slip nomoa olsem? !Yu kam kuiktaem, an no les fogud long mifala!

Sams 44:24

?Waswe nao yu haed nomoa from mifala? !Yu mas no fogetem mifala taem mifala i safa an trabol hemi kasem mifala!

Sams 7:6

Lod Yawe, kam an helpem mi. Olketa enemi blong mi i kros tumas long mi. Plis yu kam an stopem olketa. Yu mas kros long olketa an yu mas agensim olketa. Tokstrong long olketa, an talem olketa fo stap long wei wea hemi stret.

Sams 7:7

Plis yu tekem evri pipol fo kam tugeta long yu, an bae yu nao yu stap long antap an yu rulim olketa evriwan.

Sams 7:9

Yu God nao yu stret tumas, an yu luksave long olketa tingting blong mifala an olketa samting wea mifala laekem. So plis yu stopem olketa ravis wei blong olketa nogud pipol ya, an givim gudfala samting long olketa pipol hu i duim olketa gudfala samting.

Sams 74:22

God, plis yu kam an talemaot dat wanem yu duim hemi stret nomoa. Yu mas tingim dat olketa hu i no biliv long yu, i mekfan nomoa long yu evride stat long moning go-go kasem ivining.

Sams 80:2

Plis yu somaot paoa blong yu fo mifala long traeb blong Efrem, an traeb blong Benjamin, an traeb blong Manase. Plis yu somaot paoa blong yu fo mifala evriwan, Ya, plis yu kam, an sevem mifala from olketa enemi.

Sams 89:26

Bae Deved hemi tok olsem long mi, ‘Yu nao yu God blong mi, an yu dadi blong mi. Ya, yu nao yu man fo gadem mi, an fo sevem mi.’

Aesaea 51:9

(Profet) !Yawe! !Plis yu wekap an helpem mifala! !Yusim paoa blong yu fo sevem mifala, olsem wea yu bin duim bifoa! Yu nao yu kilim dae disfala bikfala si snek ya, wea olketa kolem Rehab, an yu katem long olketa smolfala pisis.

Lamentesin 3:59

Yu lukim finis long wei wea olketa enemi i spoelem mi. Bat distaem, plis yu jaj long stretfala wei, an som wea mi nao stret.

Gudnius abaotem Jisas Kraes wea Jon hemi raetem 20:28

Long taem ya, Tomas hemi sei nao, “!Yu nao Masta blong mi an yu nao God blong mi!”