Sams 35:20 - Pijin Bible

²⁰ Olketa no save tok gudfala long olketa kuaet pipol, bat olketa gohed nomoa fo mekem plande laea toktok agensim olketa.

Pijin Deuterocanon

²⁰ Olketa no save tok gudfala long olketa kuaet pipol, bat olketa gohed nomoa fo mekem plande laea toktok agensim olketa.

Sams 35:20 ပူးပေါင်းရင်းမြစ်များ

Sams 31:13

Mi herem finis wea olketa enemi blong mi i gohed fo tokhaed agensim mi. Long evri ples wea mi go, olketa gohed fo mekem mi fraet fogud. Olketa plan finis agensim mi fo kilim mi dae.

Sams 38:12

Olketa wea i laek fo kilim mi dae i mekem finis olketa trap fo mi, an olketa wea i laek fo spoelem mi, i promis finis fo duim. Oltaem nomoa olketa mekem olketa ravis plan agensim mi.

Sams 52:2

Oltaem yu mekem olketa ravis plan fo spoelem olketa narafala pipol. Taem yu tok, tang blong yu hemi olsem wanfala sap resa. Ya, oltaem nomoa yu tingimaot evri laea toktok.

Jeremaea 11:19

Mi no save olketa mekem ravis plan ya agensim mi. Mi olsem wanfala smol sipsip nomoa, wea olketa tekem go fo kilim hemi dae. Olketa bin gohed fo tok olsem, “Yufala kam, yumi katemdaon disfala tri an spoelem olketa frut blong hem. Yumi kilim hem dae, mekem olketa pipol no save tingim hem moa.”

Daniel 6:5

So, tufala hedman ya wetem olketa minista i tok olsem tugeta long olketa seleva, “Bae yumi no save faendem eni wei fo agensim long waka blong Daniel ya. Ating bae yumi save kasem hem nomoa long wei wea hemi falom long lo blong God blong hem.”

Matiu 12:19

Bae hemi no save raoa o singaot bikfala o toktok bikfala olobaot falom olketa bikrod.

Matiu 12:24

Bat taem samfala long olketa Farasi i herem diswan, olketa sei, “Bielsebul, disfala bos blong olketa devol nomoa, hem nao hemi givim paoa long man ya, mekem hemi save raosim olketa devol.”

Matiu 26:4

An olketa miting nao fo tokabaotem hao fo kasholem Jisas haed an fo kilim hem dae.

Aposol 23:15

So yufala wetem olketa man long Kansol, yufala mas sendem go nius fo disfala kapten long ami blong Rom, an talem hem fo tekem kam Pol fo lukim yufala. An yufala mas laea an sei yufala laekem hem fo kam an talemaot samfala samting moa abaotem hem. An mifala, bae mifala redi nao fo kilim hem dae, bifoa hemi kam kasem long hia.”

Aposol 25:3

An olketa askem tumas Festas olsem, “Plis, yu mas helpem mifala an sendem Pol kambaek moa long Jerusalem.” Olketa askem hem olsem, bikos olketa bin mekem wanfala plan fo kilim Pol dae, taem hemi ka-kam long rod yet.