Sams 30:6 - Pijin Bible

⁶ Lod Yawe, mi save dat mi barava sef, so mi tok olsem long mi seleva, “Mi no fraetem enisamting nao.”

Pijin Deuterocanon

⁶ Lod Yawe, mi save dat mi barava sef, so mi tok olsem long mi seleva, “Mi no fraetem enisamting nao.”

Sams 30:6 ပူးပေါင်းရင်းမြစ်များ

Sams 10:6

Olketa gohed fo tok olsem, “Bae mifala no save lus ya. An bae trabol hemi no save kasem mifala.”

Sams 119:117

Plis yu helpem mi mekem mi save stap sef, an bae mi tingim olketa lo blong yu.

Sams 126:6

Olketa pipol hu i sore an krae taem olketa karim go sid fo plantem long gaden, bae olketa hapi fogud an singsing taem olketa tekem kam kaikai from gaden long barava taem wea kaikai hemi redi. (Singsing blong Solomon. Olketa singim disfala singsing taem olketa goap fo fist long Jerusalem.)

Sams 15:5

Hemi gohed fo givimaot kaon, bat hemi no save askem intres long hem. An no eniwan save nilam hem fo hemi tok agensim man hu hemi stret nomoa. Man wea hemi gohed olowe fo duim olketa samting ya, bae hemi save stanap strong. (Singsing blong Deved.)

Sams 16:8

Yawe hemi stap wetem mi olowe, an bikos hemi stap kolsap long mi, no enisamting save spoelem mi.

Aesaea 47:7

Yu bin tingse yu save gohed olsem bikfala kuin fo evritaem olowe nao. Bat yu nating tingim nomoa wea olketa samting ya bae hemi kasem yu.

Aesaea 54:7

Fo lelebet taem nomoa mi bin lusim yufala. Bat bae mi tekem yufala fo kambaek moa long mi bikos mi sore tumas long yufala.

Aesaea 56:12

Olketa pipol ya i tok olsem, “!Yumi go tekem waen an bia, an yumi gohed fo dring go-go yumi barava drang fogud! !Tumoro bae hemi gud tumas moa winim tude!”

Daniel 4:30

An hemi tok olsem, “!Maewat! !Babilon hemi wanfala bikfala taon ya! Mi nao mi bildim bikfala taon ya blong mi, fo somaot bikfala paoa blong mi wea mi nao mi king, an mi garem hae nem, mekem olketa pipol save tinghae long mi.”

Gudnius abaotem Jisas Kraes wea Luk hemi raetem 12:19

An bae mi tok olsem long mi seleva, yu garem plande gud samting fitim plande yia nao. So long distaem yu save stapgud an no wari. Yu save kaikai an dring an stap hapi nomoa evritaem.’

2 Korin 12:7

Nao wanfala samting hemi kasem mi wea hemi olsem wanfala nogud nila long bodi blong mi. Diswan hemi mekem mi no kamap praod tumas from olketa bikfala samting wea hemi staphaed dat God hemi somaot long mi. An diswan hemi olsem wanfala enjel blong Seitan hemi mekem mi safa.