Sams 22:14 - Pijin Bible

¹⁴ Strong blong mi hemi lus finis nao, olsem wata wea i kapsaet go insaet long sanbis. Olketa bon blong mi i no joen tugeta nao, an tingting blong mi hemi barava wik tumas.

Pijin Deuterocanon

¹⁴ Strong blong mi hemi lus finis nao, olsem wata wea i kapsaet go insaet long sanbis. Olketa bon blong mi i no joen tugeta nao, an tingting blong mi hemi barava wik tumas.

Sams 22:14 ပူးပေါင်းရင်းမြစ်များ

Stori abaotem Job 16:10

Olketa pipol i tokspoelem mi, an olketa hipap kam raonem mi an slapem fes blong mi.

Stori abaotem Job 23:16

God hemi mekem tingting blong mi i wikdaon. Ya, God hu hemi garem evri paoa hemi mekem mi fraet tumas.

Stori abaotem Job 30:16

Distaem, laef blong mi hemi kolsap lus nao. An mi safa evri de nomoa.

Sams 22:17

Mi save lukim nomoa olketa bon blong mi, an olketa enemi blong mi i gohed fo lukstrong long mi, an olketa gohed fo la-laf long mi.

Sams 31:10

Mi no strong nao, bikos mi krae tumas. Laef blong mi hemi sot tu, bikos mi safa olowe nomoa. Mi kamap wik nao from olketa trabol blong mi, an mi nating strong nao.

Sams 35:21

Olketa tokspoelem mi olsem, “!Ya! !Mifala lukim finis samting wea yu bin duim!”

Sams 68:2

Hemi gud tumas sapos God hemi ronemaot olketa ya, olsem smok wea win hemi bloum go. Ya, hemi gud tumas sapos olketa enemi ya i lus finis long ae blong God, olsem kandol wea hemi kamap olsem wata nating insaet long bikfala faea.

Lamentesin 3:46

“Olketa enemi i gohed fo laf an mekfan long mifala.

Daniel 5:6

Hemi barava fraet fogud, nao bodi blong hem hemi wik, an hemi barava seksek fogud.

Neiham 2:10

Taon ya hemi kamap nogud tumas. Olketa enemi i tekemaot evrisamting. No enisamting hemi stap long hem nao. Olketa pipol i fraet an seksek fogud. Olketa no garem eni paoa nao, an fes blong olketa hemi kamap nogud tumas.

Matiu 26:38

An hemi sei long trifala man ya, “Oo, mi barava sore bikfala tumas nao, an kolsap mi dae long hem ya. Yutrifala mas stap long hia fo lukaot wetem mi.”

Gudnius abaotem Jisas Kraes wea Luk hemi raetem 22:44

An from hemi barava sore bikfala tumas, hemi gohed fo prea strong moa, an suet blong hem hemi olsem blad nao wea hemi randaon long graon.

Gudnius abaotem Jisas Kraes wea Jon hemi raetem 12:27

Nao Jisas hemi sei moa, “Long distaem, tingting blong mi hemi barava trabol tumas nao. ?An wanem nao bae mi save talem? ?Bae mi sei, ‘Oo Dadi, plis yu no letem disfala had samting fo kasem mi’? Nomoa, mi mas go insaet long disfala hadtaem nao ya. Dastawe nao mi kam long disfala wol ya.

Josua 7:5

Olketa man blong Ai i stat long geit long bikfala wolston blong taon ya an ronem olketa go-go kasem wanfala hil wea olketa digim ston long hem. An taem olketa ronem olketa kamdaon long hil ya, olketa kilim dae teti-siks long olketa soldia blong Josua. Olketa blong Israel i fraet fogud long olketa man ya, an tingting blong olketa hemi barava wikdaon finis nao.