Sams 145:21 - Pijin Bible

²¹ Oltaem bae mi preisim Yawe. An hemi gud tumas sapos evrisamting wea hemi mekem i preisim holi nem blong hem evritaem olowe.

Pijin Deuterocanon

²¹ Oltaem bae mi preisim Yawe. An hemi gud tumas sapos evrisamting wea hemi mekem i preisim holi nem blong hem evritaem olowe.

Sams 145:21 ပူးပေါင်းရင်းမြစ်များ

Sams 103:22

!Evrisamting wea Yawe hemi mekem long evri ples wea hemi gohed fo rul ovarem ya, yufala mas gohed fo preisim hem! !Mi laekem tumas fo preisim Yawe olowe nao!

Sams 145:5

Oltaem bae olketa tokabaotem bikfala paoa blong yu wea hemi saen kamdaon long mifala, an oltaem bae mi tingting strong abaotem olketa gudfala waka blong yu.

Sams 150:6

Hemi gud tumas fo evrisamting wea hemi laef, fo preisim Yawe. !Ya, yumi preisim Yawe!

Sams 30:12

Dastawe bae mi no save stap kuaet nao. Bae mi preisim yu long olketa singsing. Ya, Lod Yawe, yu nao yu God blong mi, an bae mi gohed fo preisim yu olowe. (Singsing blong Deved.)

Sams 51:15

Masta, plis yu helpem mi fo tok, an bae mi preisim yu.

Sams 65:2

bikos oltaem, yu ansarem olketa prea blong mifala. Evriwan long evri ples bae i kam fo mekem sakrifaes go long yu,

Sams 69:35

Bae God hemi sevem olketa pipol blong Jerusalem, an bae hemi wakembaek moa olketa taon blong Jiuda. Olketa pipol blong hem bae i stap long ples ya, an bae olketa onam moa olketa graon ya.

Sams 71:15

Bae mi gohed fo tokabaotem olketa stretfala samting wea yu duim. An stat long moning go-go kasem long ivining, bae mi gohed fo tokabaotem paoa blong yu wea yu save sevem olketa pipol. Nomata mi no save gudfala long olketa, bat mi mas talemaot nao.

Sams 71:8

Evri de nomoa, stat long eli moning go-go kasem tudak, mi gohed fo preisim yu. Ya, mi gohed fo liftimap hae nem blong yu.

Sams 86:9

Yu nao yu mekem evri pipol long evri kantri, bae olketa kam an baodaon long yu fo preisim hae nem blong yu.

Sams 89:1

Lod Yawe, oltaem bae mi singsing abaotem bikfala lav blong yu, an oltaem bae mi talemaot abaotem wei wea yu kipim olketa promis blong yu.