Sams 136:9 - Pijin Bible

⁹ An hemi mekem mun wetem olketa sta fo saen long naet. Ya, bikos hemi tinghevi long yumi olowe.

Pijin Deuterocanon

⁹ An hemi mekem mun wetem olketa sta fo saen long naet. Ya, bikos hemi tinghevi long yumi olowe.

Sams 136:9 ပူးပေါင်းရင်းမြစ်များ

Jenesis 1:16

Hemi mekem san wea i save saen strong, mekem hemi gohed fo saen long de, an hemi mekem mun wea i no save saen strong olsem san, mekem hemi gohed fo saen long naet. An hemi mekem olketa sta tu.

Stori abaotem Job 31:26

Nomata san hemi saen bikfala, an mun hemi luknaes tumas, bat mi nating wosipim nomoa eniwan long tufala.

Sams 74:16

Yu nao yu mekem de an naet, an yu putum san an mun long barava ples blong tufala.

Sams 8:3

Taem mi lukap go long skae wea yu bin mekem, an mi lukim mun an olketa sta wea yu bin putum long olketa barava ples blong olketa,

Sams 8:4

mi save tingting olsem, “Mifala pipol i samting nating nomoa ya. Hemi no fitim nomoa fo yu tingting long mifala. ?Fo wanem nomoa yu lukaftarem gudfala long mifala?”

Jeremaea 31:35

God, hu hemi putum san fo laet long de, an hemi putum mun an olketa sta fo saen long naet, an hu hemi garem paoa fo mekem solwata hemi kamap raf tumas an mekem bikfala noes, nem blong disfala God nao: Yawe hu hemi garem evri paoa. Yawe nao hemi tok olsem,