Sams 119:63 - Pijin Bible

⁶³ Mi fren wetem olketa hu i tinghae long yu, an wetem olketa hu i falom olketa gudfala toktok blong yu.

Pijin Deuterocanon

⁶³ Mi fren wetem olketa hu i tinghae long yu, an wetem olketa hu i falom olketa gudfala toktok blong yu.

Sams 119:63 ပူးပေါင်းရင်းမြစ်များ

Sams 101:6

Bat olketa wea i tingting strong long yu, bae i save stap wetem mi. An olketa wea wei blong olketa hemi stret, bae i save waka fo mi.

Sams 119:115

Mi laekem olketa nogud pipol fo giraot, mekem mi falom olketa strongfala toktok blong yu, God blong mi.

Sams 119:79

Olketa hu i tinghae long yu, letem olketa kam long mi, mekem olketa save long olketa tising blong yu

Sams 122:8

Jerusalem, bikos mi tingim tumas olketa wantok blong mi wea i stap long yu, hem nao hemi gud tumas sapos yu garem piis.

Sams 142:7

Plis yu mekem mi fri from olketa trabol blong mi, mekem mi save preisim yu. An bae olketa stretfala pipol i hipap raonem mi, bikos olketa lukim dat yu lukaftarem mi gudfala. (Singsing blong Deved.)

Sams 16:3

Olketa pipol long wol wea i obeim yu nao i barava nambawan pipol. An mi laekem tumas fo stap wetem olketa.

Provebs 13:20

Fren wetem waes man, bae yu waes. Fren wetem krangge man, bae yu safa.

1 Jon 1:3

So wanem mifala barava lukim an barava herem, hem nao mifala talemaot long yufala ya. Long disfala wei nao, bae yufala save stapgud wetem mifala olsem wea mifala stapgud wetem God Dadi an tugeta wetem San blong hem Jisas Kraes.

1 Jon 3:14

Yumi ya, yumi save dat yumi lusim finis wei blong dae, an yumi kasem nao tru laef. Yumi save diswan bikos yumi lavem olketa nara Kristin. Bat eniwan hu hemi no lavem nara Kristin, hemi stap yet long wei blong dae.