Sams 119:58 - Pijin Bible

⁵⁸ Long evri tingting blong mi, mi askem yu fo sore long mi, olsem wea yu bin promisim.

Pijin Deuterocanon

⁵⁸ Long evri tingting blong mi, mi askem yu fo sore long mi, olsem wea yu bin promisim.

Sams 119:58 ပူးပေါင်းရင်းမြစ်များ

1 Kings 13:6

Nao king hemi tok long man blong God olsem, “Plis, yu prea go long Yawe, God blong yu, fo mekem han blong mi gudbaek moa.” So man ya hemi prea go long Yawe, an han blong king hemi gudbaek moa.

Stori abaotem Job 11:19

Ya, bae yu save slip gudfala, an no eniwan save mekem yu fraet. An plande pipol bae tinghae long yu.

Sams 119:10

Long ful laef blong mi, mi laekem tumas fo falom yu. Plis yu helpem mi, mekem mi obeim olketa strongfala toktok blong yu.

Sams 119:145

Lod Yawe, long evri tingting blong mi, mi kol go long yu fo sevem mi. Plis yu ansarem kam kol blong mi, mekem mi save obeim olketa lo blong yu.

Sams 119:170

Plis yu lisin kam long prea blong mi, an sevem mi olsem wea yu bin promisim.

Sams 119:41

Lod Yawe, plis yu gohed olowe fo tinghevi long mi. Ya, plis yu sevem mi olsem wea yu bin promisim.

Sams 119:65

Lod Yawe, yu bin kaen tumas long mi wea mi wakaman blong yu nomoa, dastawe nao yu kipim olketa promis blong yu olowe.

Sams 119:76

Yu bin promisim long mi wakaman blong yu, wea tingting blong mi hemi kamap gud moa bikos yu tinghevi long mi olowe.

Sams 138:2

Mi baodaon go long Tambuhaos blong yu an mi preisim nem blong yu, bikos yu lavem mi tumas an oltaem yu kipim olketa promis blong yu. Yu nao yu mekem mifala fo save dat nem blong yu an olketa toktok blong yu i hae moa winim evrisamting.

Sams 27:8

Lod Yawe, mi tingse mi herem yu tok olsem ya, “Yu kam an wosipim mi.” An mi ansarem yu olsem, “Ya, bae mi kam.”

Sams 4:6

Plande pipol nao i gohed fo prea olsem, “Lod Yawe, plis yu luk kaen kam long mifala, an givim kam plande gudfala samting moa long mifala.”

Sams 56:4

Mi trastem Yawe, hem nao mi no fraet. Mi preisim hem from olketa promis blong hem. No eniwan save duim enisamting long mi.

Hosia 7:14

Olketa prea long mi nomoa long maos blong olketa, bat hemi nating kamaot nomoa long haat blong olketa. Taem olketa gohed fo prea kam long mi, olketa gohed fo krae an torowem olketa seleva daon long graon. Taem olketa prea kam fo mi givim kaikai an waen long olketa, olketa gohed fo katem bodi blong olketa olsem wea olketa hiden pipol i duim. Olsem, olketa gohed fo agensim mi nao ya.

Matiu 24:35

Skae wetem disfala wol bae tufala finis nomoa, bat toktok blong mi bae hemi nating save finis.”

Hibrus 10:22

Hemi bin mekem tingting blong yumi fo kamap klin an no filsem moa, an hemi mekem bodi blong yumi tu fo kamap klin wetem gudfala wata. So yumi mas kam kolsap long God nao, wea yumi garem gudfala tingting an biliv blong yumi hemi barava strong.