Sams 119:121 - Pijin Bible

¹²¹ Lod Yawe, mi bin duim olketa samting wea hemi gud an hemi stret tu. Plis yu no lusim mi go long olketa hu i laek fo spoelem mi.

Pijin Deuterocanon

¹²¹ Lod Yawe, mi bin duim olketa samting wea hemi gud an hemi stret tu. Plis yu no lusim mi go long olketa hu i laek fo spoelem mi.

Sams 119:121 ပူးပေါင်းရင်းမြစ်များ

2 Samuel 8:15

Deved hemi king ovarem evriwan long Israel. Oltaem hemi lukaftarem gudfala olketa pipol blong hem, long wei wea hemi gudfala an hemi stret.

Sams 37:33

Bat Yawe hemi no save letem go gudfala man long han blong enemi blong hem. Sapos olketa nogud pipol i tekem gudfala man long kot, bae Yawe hemi no save letem olketa fo winim hem.

Sams 75:2

God hemi tok olsem, “Mi makem finis taem fo jajem olketa pipol, an bae mi jaj nomoa long stretfala wei.

Aposol 21:16

Samfala long olketa Kristin long Sisaria olketa go wetem mifala fo tekem mifala go long haos wea bae mifala stap long hem. Haos ya, hemi haos blong Nason hu hemi wanfala man blong Saepras wea hemi bin stap Kristin longtaem nao.

2 Korin 1:12

Mifala praod bikos tingting blong mifala hemi somaot dat mifala no falom save blong man, bat mifala falom nomoa paoa blong kaenfala lav blong God. Hemi olsem bikos mifala toktru olowe an mifala falom stretfala wei wea God hemi laekem. Oltaem, mifala duim olsem. An taem mifala stap wetem yufala, mifala bin duim olsem tu.

2 Pita 2:9

Olketa samting ya nao somaot dat olketa pipol hu i biliv long Masta, bae hemi save sevem olketa from olketa hadtaem wea i kam fo traem olketa. Bat bae hemi save panisim olketa hu i no stret, go-go kasem taem wea hemi jajem evriwan.

1 Samuel 25:28

Plis, yu fogivim mi, wakamere blong yu, from olketa ravis samting wea mi duim. Yawe bae hemi mekem yu kamap king, an oltaem bae hemi mekem wanfala man long laen blong yu fo hemi king, bikos yu mekem olketa faet olsem wea Yawe hemi talem. An oltaem long laef blong yu, hemi gud sapos yu no duim eni nogud samting.