Sams 107:25 - Pijin Bible

²⁵ Taem hemi tok, strongfala win hemi stat fo blou nao, an hemi mekem si fo hemi raf fogud.

Pijin Deuterocanon

²⁵ Taem hemi tok, strongfala win hemi stat fo blou nao, an hemi mekem si fo hemi raf fogud.

Sams 107:25 ပူးပေါင်းရင်းမြစ်များ

Sams 105:31

Yawe hemi tok nomoa, an olketa flae an olketa moskito i kavaremap evri ples long kantri ya nao.

Sams 105:34

Hemi tok nomoa an olketa grashopa i kam, an olketa no save kaontem nao.

Sams 135:7

Hemi mekem olketa klaod fo kamap long skae, an hemi mekem laetning fo kam wetem saekloun, an hemi mekem win fo blou kam long yumi long saet long not.

Sams 148:8

Yufala laetning an olketa ston long aes, snou an olketa klaod, yufala mas preisim hem. Ya, yu saekloun wea yu obeim toktok blong hem, yu mas preisim hem.

Sams 93:3

Lod Yawe, noes blong rafsi long komburu hemi bikfala tumas. Ya, olketa barava meknoes fogud wea mifala fraetem tumas.

Jona 1:4

Bat Yawe hemi mekem bikfala win fo blou kam, wea hemi mekem si fo barava raf tumas an sip ya hemi kolsap redi fo brek nao.

Jona 1:5

Olketa kru long sip ya i barava fraet fogud, an evriwan i kraeaot go long olketa god blong olketa fo helpem olketa. Olketa torowem olketa kago godaon long si bikos sip ya hemi kolsap singdaon nao. Oraet. Bifoa win ya hemi stat fo blou kam, Profet Jona bin godaon insaet long sip fo leidaon, an hemi barava dip slip nao.

Matiu 8:24

Taem olketa go farawe lelebet nomoa insaet long leik ya, bikfala win hemi kasem olketa. An olketa wev barava go-gohed fo kam insaet long bot ya nao. Bat Jisas hemi slip nomoa insaet long bot ya.

Gudnius abaotem Jisas Kraes wea Jon hemi raetem 6:18

Long taem ya, bikfala win hemi kasem olketa nao, an hemi mekem wata fo raf tumas.