Sams 105:26 - Pijin Bible

²⁶ Nao Yawe hemi sendem Mosis hu hemi wakaman blong hem, an Eron hu hemi bin siusim finis, fo tufala go long Ijip.

Pijin Deuterocanon

²⁶ Nao Yawe hemi sendem Mosis hu hemi wakaman blong hem, an Eron hu hemi bin siusim finis, fo tufala go long Ijip.

Sams 105:26 ပူးပေါင်းရင်းမြစ်များ

Sams 77:20

Taem Mosis an Eron i bin lidim olketa pipol blong yu, yu nao yu bin lukaftarem lidim olketa olsem wea man fo lukaftarem sipsip hemi lidim olketa sipsip blong hem. (Singsing blong Asaf.)

Eksodas 28:12

Nao yu mas putum tufala ston ya long tufala solda strap blong efod ya, mekem hemi somaot olketa tuelfala traeb blong Israel. Long disfala wei, taem Eron hemi kam frant long mi, Yawe, bae hemi gohed fo karim olketa nem blong olketa traeb blong yufala long solda blong hem, an bae mi tingim yufala olowe.

Eksodas 3:10

Distaem, mi laekem yu fo go long disfala king blong Ijip, mekem yu lidimaot olketa pipol blong mi from kantri blong hem.”

Eksodas 4:27

Long semtaem ya, Yawe hemi tok olsem long Eron, “Eron. Yu go mitim Mosis long drae eria.” Taem Eron hemi go, hemi mitim Mosis long tambu maonten long Saenae, an hemi gritim hem nao.

Eksodas 4:29

Oraet, taem tufala kasem Ijip, tufala kolem olketa lida long laen blong Israel fo kam tugeta.

Eksodas 6:11

“Yu go talem king ya wea hemi mas letem pipol blong Israel i goaot from kantri blong hem.”

Eksodas 7:1

So Yawe hemi tok olsem long Mosis, “Taem yu go long king ya, bae mi mekem yu olsem god long hem, an brata blong yu Eron, bae hemi olsem wanfala profet fo talemaot toktok blong yu long hem.

Eksodas 7:12

Olketa torowe godaon olketa wokingstik blong olketa long graon, nao olketa wokingstik ya i kamap olketa snek tu. Bat stik blong Eron wea hemi snek hemi sualomdaon olketa snek blong olketa ya.

Maeka 6:4

Taem olketa grani blong yufala bifoa i waka olsem slev long Ijip, mi nao mi tekemaot olketa from datfala ples fo kamap fri. Mi nao mi sendem go Mosis, an Eron, an Miriam fo lidim olketa kambaek.

Josua 24:5

Bihaen, mi sendem Mosis an Eron long Ijip, an mi mekem bikfala trabol fo kasem olketa pipol blong datfala kantri. An mi lidim olketa olo blong yufala fo goaot from Ijip.

1 Samuel 12:6

Samuel hemi tok moa olsem, “Yawe nomoa hemi siusim Mosis an Eron fo lidimaot olketa olo blong yumi bifoa from Ijip.