Sams 103:7 - Pijin Bible

⁷ Bifoa kam yet, hemi talemaot olketa plan blong hem long Mosis, an hemi letem olketa pipol blong Israel fo luksave long olketa bikfala waka blong hem.

Pijin Deuterocanon

⁷ Bifoa kam yet, hemi talemaot olketa plan blong hem long Mosis, an hemi letem olketa pipol blong Israel fo luksave long olketa bikfala waka blong hem.

Sams 103:7 ပူးပေါင်းရင်းမြစ်များ

Nehemaea 9:14

Yu tisim olketa abaotem Sabat de blong yu wea hemi tambu, an olketa rul, an olketa lo, an olketa strong toktok ya, yu givim olketa long Mosis, wakaman blong yu, mekem olketa pipol ya i savegud long wei blong yu.

Sams 106:22

Olketa samting wea hemi duim long Ijip ya hemi bikfala tumas, an olketa samting hemi duim long Red Si, hemi samting fo sapraes tumas long hem, bat olketa nating tingim hem.

Sams 111:6

Hemi somaot paoa blong hem long yumi long wei wea hemi givim yumi disfala kantri ya wea hemi blong olketa narafala pipol.

Sams 147:19

Yawe hemi talemaot olketa toktok blong hem an olketa lo blong hem fo tisim yumi olketa pipol long Israel.

Sams 77:20

Taem Mosis an Eron i bin lidim olketa pipol blong yu, yu nao yu bin lukaftarem lidim olketa olsem wea man fo lukaftarem sipsip hemi lidim olketa sipsip blong hem. (Singsing blong Asaf.)

Sams 78:11

Olketa no tinghevi long olketa samting wea hemi bin duim bifoa, an olketa nating tingim olketa mirakol wea hemi bin duim long ae blong olketa.

Sams 78:5

Yawe hemi givim finis olketa lo wetem olketa strongfala toktok blong hem long olketa pipol bifoa long laen blong olo blong yumi Jekob. An hemi talem long olketa fo tisim olketa pikinini blong olketa long olketa lo ya.

Sams 99:7

Hemi tok kam long olketa long wanfala bikfala klaod wea hemi stanap stret. So olketa falom olketa tising wea hemi givim long olketa, an obeim olketa lo blong hem.

Eksodas 19:20

Taem Yawe hemi kamdaon antap long maonten ya, hemi kolem Mosis fo hemi goap long maonten ya. So, Mosis hemi goap nao,

Eksodas 19:8

Olketa pipol evriwan i toktok wantaem olsem, “Bae mifala duim evrisamting wea Yawe hemi talem.” Nao Mosis hemi tekem toktok blong olketa an gobaek moa long Yawe.

Eksodas 20:21

Olketa pipol i stanap farawe, bat Mosis seleva nomoa hemi go kolsap long disfala bikfala blak klaod wea God hemi stap long hem.

Eksodas 33:13

Nao sapos tingting blong yu hemi olsem yet, plis yu tisim mi olketa wei blong yu, mekem mi savegud long yu an save duim olketa waka blong yu, an mi save gohed fo mekem yu hapi long mi. An plis yu tingim tu, wea yu nao yu siusim finis olketa pipol ya fo kamap barava pipol blong yu.”

Nambas 12:7

Bat hemi no olsem long Mosis hu hemi spesol wakaman blong mi. Hem nomoa hemi lida long pipol blong mi.

Diutronomi 34:10

Mosis hemi barava nambawan profet, an kam kasem tude, no eni narafala profet moa hemi kamap long Israel wea hemi olsem hem, wea Yawe hemi save toktok wetem hem stret long ae blong hem.