Sams 103:14 - Pijin Bible

¹⁴ Hemi save finis wea hemi mekem yumi long graon. An hemi no fogetem wea yumi dast nomoa.

Pijin Deuterocanon

¹⁴ Hemi save finis wea hemi mekem yumi long graon. An hemi no fogetem wea yumi dast nomoa.

Sams 103:14 ပူးပေါင်းရင်းမြစ်များ

Jenesis 2:7

Nao Yawe hemi tekem graon an hemi mekem wanfala man long hem, an hemi blou long nous blong hem fo mekem hemi garem laef. Nao long wei ya, man ya hemi laef.

Jenesis 3:19

Bae yu gohed fo waka had tumas, an yu gohed fo suet, fo mekem graon ya hemi garem kaikai, go-go kasem taem wea bodi blong yu bae hemi gobaek moa long graon ya wea mi bin wakem yu long hem. Mi bin wakem yu long graon ya, an bae yu gobaek moa long hem.”

Stori abaotem Job 10:9

Yu tingim fastaem, wea yu nao bin mekem mi long graon. ?Waswe, bae yu krasim mi, mekem mi kamap moa olsem dast?

Stori abaotem Job 13:25

Oltaem yu mekful long mi olsem win hemi bloum go wanfala drae lif. Yu aftarem mi, olsem win hemi bloum go drae gras.

Stori abaotem Job 7:21

?Waswe nao yu no save fogivim eni sin blong mi? No longtaem bae mi godaon insaet long grev nao. An nomata yu lukaotem mi, bae mi no stap.

Sams 89:47

Plis yu tingting kam long mi. Mi man nomoa ya, an laef blong mi hemi sotfala nomoa. Yu bin mekem mifala fo laef, an bihaen bae mifala evriwan i dae nomoa.

Eklesiastes 12:7

Ya, bodi blong yumi bae hemi gobaek moa long graon, an disfala laef blong yumi bae hemi gobaek moa long God hu hemi bin givim hem long yumi.

Aesaea 29:16

Bat disfala tingting blong yufala ya hemi tanem evrisamting rong nao ya. ?Wanem nao hemi hae moa, pot wea man hemi wakem, o man hu hemi wakem pot ya? ?Yufala tingse samting wea man nao hemi wakem hemi save tok olsem long man ya, “!Ei! !Yu no mekem mi!”? Hemi olsem pot ya nao hemi talem long man hu hemi wakem hem, “!Ei! !Yu barava no save long enisamting ya!”