Sams 10:18 - Pijin Bible

¹⁸ An bae yu nao yu herem krae blong olketa ya, wetem olketa pikinini wea mami an dadi blong olketa i dae finis. Bae yu nao yu helpem olketa an yu jajem olketa long stretfala wei, mekem olketa pipol i no save mekem olketa fo fraet moa. (Singsing blong Deved.)

Pijin Deuterocanon

¹⁸ An bae yu nao yu herem krae blong olketa ya, wetem olketa pikinini wea mami an dadi blong olketa i dae finis. Bae yu nao yu helpem olketa an yu jajem olketa long stretfala wei, mekem olketa pipol i no save mekem olketa fo fraet moa. (Singsing blong Deved.)

Sams 10:18 ပူးပေါင်းရင်းမြစ်များ

Sams 10:14

Yu bin lukim finis olketa samting ya, an yu bin save nomoa long olketa hu i stap long trabol, an olketa hu i safa, an oltaem yu redi nomoa fo helpem olketa. Olketa hu i wik, i gohed fo putum olketa seleva long han blong yu, an oltaem yu gohed fo helpem olketa wea i no garem eniwan fo helpem olketa.

Sams 72:4

Hemi gud tumas sapos king hemi stretem olketa samting fo olketa pua pipol, an hemi helpem olketa pipol wea i no garem enisamting. Hemi gud tumas sapos hemi spoelem finis olketa nogud pipol hu i mekem pipol fo safa.

Sams 74:21

Plis yu no letem mifala wea olketa enemi i mekem mifala safa, fo mifala sem. Mifala hu i pua distaem an sot long plande samting, mifala mas preisim yu.

Sams 82:3

“Bat olketa pua pipol, an olketa pikinini wea dadi blong olketa i dae finis, yufala mas jajem olketa long stretfala wei. An yufala mas gadem olketa hu i garem trabol an olketa hu i wik from olketa nogud pipol.

Sams 9:9

Lod Yawe, yu nao yu sef ples blong olketa pipol, wea olketa narafala pipol i gohed fo spoelem olketa. Yu nao yu sef ples blong olketa, long taem blong trabol.

Aesaea 11:4

bat bae hemi jajem kot blong olketa pua pipol long stretfala wei. Ya, bae hemi meksua long kot wea olketa ya i tekembaek wanem hemi blong olketa. Long paoa long toktok blong hem bae hemi panisim olketa pipol long wol. An taem hemi tok nomoa bae olketa nogud pipol ya i dae nao.

Gudnius abaotem Jisas Kraes wea Luk hemi raetem 16:25

“Bat Ebraham hemi tok olsem, ‘San, yu save long taem yu laef yet, yu bin garem evri gud samting nomoa, bat Lasaros hemi bin garem evri ravis samting nao. Bat long distaem, Lasaros hemi hapi tumas nao, bat yu gohed fo safa fogud nomoa.

Diutronomi 10:18

Hemi lukaftarem olketa wido an olketa pikinini wea dadi blong olketa i dae, mekem olketa man i no ravem olketa. An hemi somaot dat hemi lavem olketa strensa wea i stap wetem yufala taem hemi givim kaikai an kaleko long olketa.