Revelesin 9:3 - Pijin Bible

³ Staka grashopa nao kamaot long smok ya, an olketa kamdaon long wol. An olketa givim paoa long olketa grashopa ya wea hemi semsem wetem paoa blong skopion.

Pijin Deuterocanon

³ Staka grashopa nao kamaot long smok ya, an olketa kamdaon long wol. An olketa givim paoa long olketa grashopa ya wea hemi semsem wetem paoa blong skopion.

Revelesin 9:3 ပူးပေါင်းရင်းမြစ်များ

1 Kings 12:11

Hemi fosim yufala fo wakahad, bat mi bae mi mekem yufala wakahad go moa. Hemi raf long yufala, bat mi bae mi barava raf go moa long yufala.’”

2 Kronikols 10:11

Hemi fosim yufala fo wakahad, bat mi bae mi mekem yufala wakahad go moa. Hemi raf long yufala, bat mi bae mi barava raf go moa long yufala.’”

2 Kronikols 10:14

an falom toktok blong olketa yangfala advaesa. Hemi tok olsem, “Dadi blong mi hemi fosim yufala fo wakahad, bat mi bae mi mekem yufala fo barava wakahad go moa. Hemi raf long yufala, bat mi bae mi barava raf go moa long yufala.”

Aesaea 33:4

!Yufala olketa pipol! Taem yufala ranawe, bae olketa enemi i kam kuiktaem fo tekem evrisamting ya wea yufala bin winim long faet, olsem wea olketa grashopa i kaikaim evrisamting long olketa gaden.

Esikiel 2:6

“Man blong graon. Nomata olketa i pipol hu i barava agensim mi, an olketa les fo lisin long yu, o tingting nogud abaotem yu, bat yu mas no fraetem olketa, o fraet long toktok blong olketa. Bae hemi olsem wea yu gohed fo stap nomoa wetem staka skopion, o sidaon nomoa midol long olketa ropnila. Bat yu mas no fraetem olketa ya o wanem olketa talem.

Joel 1:4

Fofala taem nao olketa grashopa i gohed fo kam. Olketa i plande fogud an kavaremap finis evri gaden. Olketa samting wea olketa fas grashopa i no kaikaim, samfala grashopa moa i kam an kaikaim. An olketa samting wea olketa mektu grashopa ya i no kaikaim, samfala grashopa moa i kam an kaikaim. An evri narafala samting wea hemi stap yet, olketa narafala grashopa moa i kam an barava finisim nao.

Joel 2:25

Mi nao mi sendem kam disfala ami long grashopa fo spoelem yufala. Bat evrisamting wea yufala lusim, wea olketa grashopa ya i spoelem, bae mi givimbaek moa long yufala.

Neiham 3:15

Bat nomata yufala duim olketa samting ya fo gadem yufala, bae olketa enemi i bonem yufala dae o kilim yufala dae long faet. Bae olketa kilim yufala evriwan dae, olsem wea olketa grashopa i spoelem finis wanfala gaden. Yufala bin kamap plande tumas olsem olketa grashopa.

Neiham 3:17

Olketa minista an narafala wakaman blong gavman tu i plande tumas. Olketa stap long ples blong olketa olsem wea olketa grashopa i haed insaet long olketa hol blong wolston long taem blong tukol. Bat taem olketa enemi i kam fo faet, olketa tu i ranawe, olsem olketa grashopa i flae goawe taem san hemi kamap antap. An no eniwan hemi save long ples wea olketa go long hem.

Gudnius abaotem Jisas Kraes wea Luk hemi raetem 10:19

Yufala lisin gud fastaem. Mi givim paoa long yufala finis, mekem yufala save step antap long olketa poesen snek an antap long olketa skopion. An mi givim yufala paoa wea hemi barava winim moa paoa blong Seitan. An bae no enisamting hemi save spoelem yufala.

Diutronomi 8:15

Hemi bin lidim yufala gotru long disfala bikfala drae eria wea hemi nogud tumas. Long drae eria ya, hemi garem olketa poesen snek an skopion, an hemi no garem wata. Bat Yawe hemi mekem wata hemi kamaot long wanfala bikfala ston fo yufala dringim.

Revelesin 9:5

An olketa save mekem pipol ya fo garem pein tumas fo faefala mans, bat olketa mas no kilim dae olketa pipol ya. An pein wea olketa grashopa save mekem, hemi olsem bikfala pein wea skopion hemi save mekem.

Revelesin 9:7

An olketa grashopa ya i luk olsem olketa hos wea olketa redi fo go long faet. Long hed blong olketa, olketa garem samting olsem gol kraon, an fes blong olketa hemi olsem fes blong man.

Jajis 7:12

Olketa ami wea i stap long bikfala flat ples ya nao hemi olsem, ami blong Midian wetem ami blong Amalek, an ami blong olketa long drae eria long saet long ist. Olketa ya i staka tumas olsem anis wea hemi kavaremap olketa ples. An olketa kamel blong olketa evriwan i plande tumas tu olsem sanbis long saetsi.