Revelesin 7:15 - Pijin Bible

¹⁵ Dastawe olketa gohed fo stanap long frant long tron blong God. An olowe, nomata de an naet, olketa gohed fo wosipim hem insaet long tambuhaos blong hem. An God hu hemi sidaon long tron, bae hemi stap wetem olketa fo lukaftarem olketa.

Pijin Deuterocanon

¹⁵ Dastawe olketa gohed fo stanap long frant long tron blong God. An olowe, nomata de an naet, olketa gohed fo wosipim hem insaet long tambuhaos blong hem. An God hu hemi sidaon long tron, bae hemi stap wetem olketa fo lukaftarem olketa.

Revelesin 7:15 ပူးပေါင်းရင်းမြစ်များ

1 Kings 6:13

Ya, bae mi save stap wetem yufala pipol blong Israel, an bae mi no save lusim yufala pipol blong mi.”

1 Kronikols 23:25

King Deved hemi bin tok olsem, “Yawe hu hemi God blong Israel, hemi mekem yumi pipol blong hem fo garem piis finis, an hemi stap olowe long Jerusalem.

Eksodas 29:45

Bae mi stap wetem olketa pipol blong Israel, an bae mi God blong olketa olowe nao.

Esikiel 37:27

Bae mi stap long ples ya wetem olketa fo evritaem olowe nao. Ya, bae mi nao God blong olketa, an olketa kamap moa spesol pipol blong mi.

Levitikas 26:11

Bae mi stap wetem yufala, an bae mi no save les long yufala.

Gudnius abaotem Jisas Kraes wea Jon hemi raetem 1:14

Nao Toktok ya hemi kamap man an hemi barava somaot klia dat God hemi kaen tumas. Hemi somaot klia evri tru samting abaotem God. Hemi bin stap wetem mifala an mifala bin lukim saen blong bikfala paoa blong hem. Bikfala paoa wea hemi tekem finis bikos hem seleva nomoa hemi San Blong God.

1 Korin 3:16

Yufala save finis wea yufala i Tambuhaos blong God ya an Spirit blong God hemi stap insaet long yufala.

2 Korin 6:16

?Hao nao Tambuhaos blong God hemi save garem olketa laea god insaet? !Yumi nao tambuhaos blong God hu hemi laef! Bikos God hemi bin tok olsem, “Mi bae mi go stap wetem olketa pipol blong mi an bae mi wakabaot wetem olketa. Mi nao bae mi God blong olketa, an bae olketa nao pipol blong mi.”

Hibrus 12:2

Yumi mas gohed fo lukluk go long Jisas, wea hem nao hemi mekem disfala wei fo yumi save biliv, an hem nao hemi lukaftarem biliv blong yumi go-go kasem en long resis blong yumi. Nomata olketa kilim hem dae long kros, hemi hapi fo tingim disfala laef wea bae hemi kasem bihaen. Hemi no tingim disfala dae blong hem long kros, olsem samting fo filsem long hem. An long distaem ya, hemi sidaon nao long raetsaet blong God fo rul wetem hem.

Hibrus 8:1

Bikfala samting wea mifala gohed fo talem long yufala nao, hemi olsem. Yumi garem diskaen Haeprist ya hu hemi sidaon long heven long raetsaet blong God hu hemi garem evri paoa.

Revelesin 11:19

Nao Tambuhaos blong God long heven hemi open, an olketa pipol lukim disfala boks blong spesol agrimen blong God. An taem ya tu, bikfala noes hemi kam an laetning hemi laet olobaot an tanda hemi bosta. An wanfala etkuek nao hemi sekem graon, an olketa bikfala pis aes i foldaon kam long hem.

Revelesin 13:6

An wael animol ya hemi gohed fo tokspoelem God. Hemi tokspoelem nem blong God wetem ples blong hem an olketa hu i stap wetem hem long heven.

Revelesin 20:10

Den Seitan hu hemi bin trikim olketa pipol, olketa torowem go long bikfala hol blong barava hot faea wea hemi laet long diskaen ston salfa. Long ples ya nao, wael animol ya an laea profet ya tufala stap finis long hem. Evritaem an olowe, nomata de an naet, bae trifala ya barava safa fogud long faea ya.

Revelesin 21:22

Bat mi no lukim eni tambuhaos insaet long biktaon ya, bikos God Masta hu hemi garem evri paoa wetem Smolfala Sipsip ya, tufala nao i olsem tambuhaos blong hem.

Revelesin 22:3

Bat olketa samting wea God hemi no laekem, hemi no save stap insaet long biktaon ya. Tron blong God an blong Smolfala Sipsip ya nao hemi stap insaet long biktaon ya. An olketa wakaman blong God bae olketa gohed fo wosipim hem.

Revelesin 22:5

Long ples ya, bae no eni naet long hem, an bae olketa no nidim laet blong lam o laet blong san, bikos God Masta nao bae hemi laet blong olketa. An bae olketa rul olsem king evritaem an olowe.

Revelesin 4:4

An raonem tron ya tu, tuenti-foa nara tron hemi stap. Nao long olketa tron ya mi lukim tuenti-foa bikman nao sidaon long olketa. An olketa werem olketa waet kaleko an olketa werem gol kraon.

Revelesin 4:8

Nao fofala animol ya olketa evriwan garem siksfala wing, an olketa garem plande ae wea i stap evriwea long bodi blong olketa, nomata andanit long olketa wing tu. Olowe nomoa long de an naet, olketa no save res bat olketa gohed fo singsing olsem, “God Masta blong yumi, hemi holi tumas an hemi garem evri paoa. Hemi stap olowe bifoa an hemi stap distaem, an bae hemi kambaek moa.”

Revelesin 4:9

Nao fofala animol ya olketa gohed fo liftimap nem blong man hu hemi laef oltaem an hemi no save dae, an hemi sidaon long disfala tron. Olketa gohed fo mekhae long hem an talem tengkiu long hem. An evritaem olketa duim diswan,

Revelesin 7:9

Den mi luk go moa, an mi lukim plande pipol tumas, wea no eniwan save kaontem olketa. Olketa pipol ya olketa kam from evri traeb an evri laen an evri kantri an evri langguis long wol. Olketa werem waet kaleko an olketa holem lif blong pam tri long han blong olketa, an olketa gohed fo stanap long frant long tron ya, an long frant long Smolfala Sipsip ya.