Revelesin 6:17 - Pijin Bible

¹⁷ Bikos distaem, hemi kasem nao bikfala de blong tufala fo panisim mifala. ?So hu nao bae hemi save laef long diswan?”

Pijin Deuterocanon

¹⁷ Bikos distaem, hemi kasem nao bikfala de blong tufala fo panisim mifala. ?So hu nao bae hemi save laef long diswan?”

Revelesin 6:17 ပူးပေါင်းရင်းမြစ်များ

Sams 110:5

God hu hemi Masta blong yumi hemi stap long raet saet blong yu king, an taem hemi kros, bae hemi winim nomoa evri narafala king long faet.

Sams 2:12

Hemi gud wea yufala i barava tinghae long Yawe, an yufala mas baodaon long san blong hem. Sapos nomoa, bae hemi kros, an no long taem bae yufala dae nao ya. Evriwan wea i go long hem fo hemi gadem olketa, olketa nao i hapi. (Singsing blong Deved. Hemi mekem bihaen long taem ya wea hemi ranawe from san blong hem Absalom hu hemi laek fo kilim hem dae.)

Sams 76:7

God, evriwan i fraetem yu. Taem wea yu kros, no eniwan save stanap fo fesim yu.

Aesaea 63:4

Mi lukim dat taem fo mi sevem olketa pipol blong mi, an fo mekem olketa fri, hemi kam nao. An bae mi panisim olketa enemi blong olketa.

Jeremaea 30:7

!Man! Datfala taem bae hemi barava had tumas. No eni narafala de moa hemi had olsem. Bae hemi barava taem blong trabol fo laen blong Israel, bat bae i no lus finis.

Joel 1:15

!Ooo! !Datfala De blong Yawe fo jaj, bae hemi barava had tumas! De ya hemi kolsap kam nao, wea Yawe hu hemi garem evri paoa, bae hemi spoelem finis plande samting long disfala wol.

Joel 2:1

(Profet) !Sekiuriti! !Bloum trampet antap long tambu maonten long Saeon fo wonem olketa pipol! Yufala evri pipol blong Jiuda mas fraet an seksek, bikos De ya blong Yawe fo jaj hemi kolsap kam nao.

Joel 2:11

Yawe hemi tokstrong long olketa grashopa ya wea i olsem olketa soldia blong hem, an voes blong hem hemi bikfala tumas olsem tanda. Nomata olketa plande fogud an garem paoa, bat olketa obeim hem nomoa. Disfala De blong Yawe bae hemi barava had tumas. ?Hu nao hemi fitim fo stanap strong taem disfala De hemi kam?

Joel 2:31

Bae san hemi kamap tudak, an bae mun hemi kamap red olsem blad. Nao bihaen, bae De ya blong mi Yawe, hemi jes kam. Hem nao wanfala de wea evri pipol i fraet tumas long hem.

Neiham 1:6

?Hu nao hemi fitim fo stanap strong taem Yawe hemi kros? Taem hemi kros, hemi olsem bikfala faea wea hemi laet, an olketa bikfala ston i smas go nomoa long asis.

Malakae 3:2

?Bat hu nao hemi fitim fo stanap strong long datfala de wea man ya hemi kam? Ya, no eniwan save stanap taem hemi lukim hem. Bae hemi olsem man hu hemi bonem silva fo aotem ravis blong hem, o olsem man hu hemi yusim sop fo aotem doti long kaleko.

Gudnius abaotem Jisas Kraes wea Luk hemi raetem 21:36

Yufala mas lukluk gudfala an gohed fo prea oltaem, mekem yufala save stanap strong nomata evrisamting ya bae hemi hapen. Sapos olsem, bae yufala save kam an stanap long frant blong mi San Blong Man.”

Leta wea Pol hemi raetem go long sios long Rom 2:5

Bat yufala bikhed tumas an yufala no wande sensim nomoa tingting blong yufala. So yufala mekem panis blong yufala hemi kamap bikfala moa, an bae hemi kasem yufala long datfala de wea God bae hemi somaot kros blong hem an stretfala wei blong hem fo jajem evriwan.

Jiud 1:6

An yufala tingim tu olketa enjel wea God hemi givim bikfala paoa long olketa. Bat samfala long olketa i les fo duim waka wea hemi givim olketa, an olketa lusim gudfala ples blong olketa. So God hemi taengem olketa long sen wea hemi no save brek long enitaem, an hemi putum olketa stap insaet long ples wea hemi barava tudak tumas. An bae olketa stap long ples ya go-go kasem taem blong bikfala De wea God bae hemi jajem evriwan.

Revelesin 11:18

Olketa pipol blong olketa narafala kantri i kros tumas, bat hemi taem fo kros blong yu fo kam. Hemi taem fo jajem olketa pipol hu i dae finis. Hemi taem fo givim pei long olketa wakaman blong yu, olketa profet, evriwan long olketa pipol blong yu hu i tinghae long yu, nomata bikman o man nating. An hemi taem fo spoelem olketa pipol wea olketa bin spoelem wol ya.”

Revelesin 16:14

Trifala ravis devol ya, olketa nogud tumas an olketa garem paoa fo mekem enikaen mirakol. Nao trifala devol ya olketa go fo lukim olketa king long evri ples long wol, mekem olketa hipap fo faet long bikfala De blong God hu hemi garem evri paoa.

1 Samuel 6:20

Olketa krae olsem, “!Olketa! !Yawe ya hemi holi tumas! Yumi barava no fitim fo stap kolsap long Yawe. ?Bae yumi sendem Tambu Boks ya go long wea moa?”