Revelesin 22:4 - Pijin Bible

⁴ An olketa bae lukim fes blong hem olowe, an nem blong hem bae hemi stap long fohed blong olketa.

Pijin Deuterocanon

⁴ An olketa bae lukim fes blong hem olowe, an nem blong hem bae hemi stap long fohed blong olketa.

Revelesin 22:4 ပူးပေါင်းရင်းမြစ်များ

Stori abaotem Job 33:26

Den disfala man hemi save prea go long God, an bae God hemi hapi long hem. An disfala man bae hemi hapi tumas taem hemi go frant long ae blong God, bikos God hemi mekem hem gudbaek moa.

Sams 17:15

Bat bae mi save lukim yu taem mi wekap, bikos mi no duim eni nogud samting, an bae mi hapi tumas, bikos mi stap nomoa wetem yu. (Singsing blong Deved, wakaman blong Yawe. Hemi preisim hem long singsing ya, long taem wea Yawe hemi sevem hem taem hemi tekem hem aot long han blong Sol an long paoa blong olketa enemi blong hem.)

Sams 4:6

Plande pipol nao i gohed fo prea olsem, “Lod Yawe, plis yu luk kaen kam long mifala, an givim kam plande gudfala samting moa long mifala.”

Sams 42:2

Yu nao yu God hu hemi laef, an mi nidim yu tumas, olsem wea mi barava dae fo wata ya. ?Wataem nao bae mi save kam long Tambuhaos blong yu fo wosipim yu?

Aesaea 33:17

(Profet) !Olketa pipol blong mi! Taem wea bae hemi kam, bae yufala lukim wanfala gudfala king hu hemi barava hae fogud, an bae hemi rul ovarem evri ples long disfala bikfala lan.

Aesaea 35:2

Drae eria bae hemi kamap barava gud moa an bae hemi hapi an singaot. Olketa pipol bae i tokhae long lan ya olsem wea olketa tokhae long kantri blong Lebanon, an bae olketa tinghae tu long lan ya olsem wea olketa tinghae long tufala ples long Kaamel an Saron. Evriwan bae i lukim bikfala paoa blong Yawe. Ya, bikfala paoa blong God bae hemi saen kamdaon long olketa.

Aesaea 40:5

An long datfala taem, bikfala paoa blong Yawe bae hemi saen kamdaon, an evri pipol long wol bae i lukim. Yawe nao bin promisim diswan, an bae hemi duim.”

Esikiel 33:23

Yawe hemi talemaot Mesij blong hem long mi. Hemi tok olsem,

Matiu 5:8

Olketa hu i garem stretfala tingting, olketa save hapi ya, bikos bae olketa go lukim God.

Gudnius abaotem Jisas Kraes wea Jon hemi raetem 12:26

Eniwan hu hemi waka fo mi, hemi mas falom mi nao, mekem wakaman blong mi hemi stap long ples wea mi stap long hem. An eniwan hu hemi waka fo mi bae Dadi blong mi hemi tinghae long hem ya.”

Gudnius abaotem Jisas Kraes wea Jon hemi raetem 17:24

“Dadi, mi laekem olketa pipol wea yu givim kam long mi fo olketa stap wetem mi long ples wea mi stap long hem, mekem olketa lukim saen blong bikfala paoa blong mi. Hem nao disfala saen blong paoa wea yu givim kam long mi bikos yu lavem mi taem yu no mekem disfala wol ya yet.

1 Korin 13:12

Distaem, yumi save lelebet nomoa abaotem God. Hemi olsem yumi lukim long glas wea hemi no klia gudfala. Bat long taem wea bae hemi kam, bae yumi lukim evrisamting stret olsem long ae blong God seleva. Long taem ya, bae yumi save finis nao, olsem God hemi save finis abaotem yumi finis.

Hibrus 12:14

Yufala mas traehad fo stap long wei blong piis wetem evri pipol, an fo stap holi long ae blong God. Sapos eniwan hemi no stap holi olsem, bae hemi no save lukim Masta.

Revelesin 14:1

Nao mi luk go moa, an mi lukim Smolfala Sipsip ya hemi stanap antap long maonten long Saeon, an 144,000 pipol ya i stanap wetem hem. An nem blong Smolfala Sipsip ya wetem nem blong Dadi blong hem, hemi stap long fohed blong olketa pipol ya.

Revelesin 3:12

Man hu hemi winim faet, bae mi mekem hem kamap olsem wanfala pos insaet long Tambuhaos blong God blong mi, an bae hemi stap olsem olowe nomoa. Bae mi raetem olketa nem fo stap long hem, olsem niu nem blong mi an nem blong God blong mi an nem blong bikfala taon blong hem. Bikfala taon ya nao hemi niu Jerusalem wea bae God blong mi hemi sendem kamdaon long heven.

Revelesin 7:3

Hemi sei olsem long olketa, “Yufala no spoelem yet graon wetem olketa tri an si. Mifala mas putum wanfala mak long fohed blong olketa pipol blong God fastaem.”