Revelesin 21:19 - Pijin Bible

¹⁹ An faondesin blong wolston ya, hemi lukgud tumas bikos hemi garem olketa nambawan ston long hem. Fas ston blong faondesin ya hemi jaspa, an mektu ston hemi safae, an mektri ston hemi agit, an mekfoa hemi emaral.

Pijin Deuterocanon

¹⁹ An faondesin blong wolston ya, hemi lukgud tumas bikos hemi garem olketa nambawan ston long hem. Fas ston blong faondesin ya hemi jaspa, an mektu ston hemi safae, an mektri ston hemi agit, an mekfoa hemi emaral.

Revelesin 21:19 ပူးပေါင်းရင်းမြစ်များ

Provebs 3:15

Waes hemi gud moa winim olketa pel an daemen, no enisamting wea yu laekem tumas hemi save winim hem.

Esikiel 28:13

Yu bin stap long nambawan ples blong mi ya long Iden, an dekoretem yu seleva long olketa barava spesol ston, olsem red ston olketa kolem odem, an yalo ston olketa kolem piteda, an waet ston olketa kolem yahalom, an yalo ston olketa kolem tasis, an red ston olketa kolem soham, an grin ston olketa kolem yasefe, an blu ston olketa kolem sapia, an grin ston olketa kolem nofek, an grin ston olketa kolem bareket. Evri barava spesol ston ya nao i saen raonem yu. Yu werem tu olketa samting olketa wakem long gol fo mekem yu luk barava spesol moa. Long datfala de wea mi mekem yu, mi mekem tu olketa samting ya blong yu.

Revelesin 21:11

An saen blong bikfala paoa blong God hemi saen kam long biktaon ya. Hemi barava saen fogud olsem naesfala ston jaspa wea hemi klia fogud olsem glas.

Revelesin 4:3

An man hu hemi sidaon long tron ya, fes blong hem hemi saen olsem tufala naesfala ston, jaspa an kanilian. An raonem tron ya mi lukim wanfala renbou wea hemi saen olsem disfala naesfala ston emaral.