Revelesin 21:15 - Pijin Bible

¹⁵ Disfala enjel wea hemi tok kam long mi, hemi garem wanfala longfala gol stik fo mesarem biktaon ya wetem wolston blong hem an tuelfala geit blong hem.

Pijin Deuterocanon

¹⁵ Disfala enjel wea hemi tok kam long mi, hemi garem wanfala longfala gol stik fo mesarem biktaon ya wetem wolston blong hem an tuelfala geit blong hem.

Revelesin 21:15 ပူးပေါင်းရင်းမြစ်များ

Esikiel 40:3

Hemi tekem mi go kolsap moa, an mi lukim wanfala man wea bodi blong hem hemi saen fogud olsem bras. Hemi stanap long geit blong taon ya, an hemi holem wanfala longfala rula an wanfala teip fo mesarem wea i wakem long nambawan waet kaleko.

Sekaraea 2:1

Mi lukim narafala spesol drim moa, an long spesol drim ya mi lukim wanfala man wea hemi holem making teip.

Sekaraea 2:2

An mi askem hem olsem, ??Yu go long wea?? Hemi ansa olsem, ?Mi go fo mesarem saes blong taon long Jerusalem fo faendemaot longfala an bikfala blong hem.?

Revelesin 21:12

Biktaon ya hemi garem bikfala wolston raonem hem wea hemi hae fogud. An hemi garem tuelfala geit long hem, an tuelfala enjel nao stanap fo gadem tuelfala geit ya. An olketa nem blong tuelfala traeb blong pipol blong Israel nao i stap long olketa geit ya.

Revelesin 21:16

Biktaon ya hemi garem fofala kona. Nao waed blong hem an longfala blong hem, tufala barava semsem nomoa. Nao enjel ya hemi mesarem biktaon ya, an hemi kasem 12,000 stadia. Long blong hem an waed blong hem an hae blong hem, trifala evriwan barava semsem nomoa.

Revelesin 21:21

An tuelfala bikfala geit ya olketa mekem long tuelfala pel. Evri geit olketa mekem long wanfala bikfala pel nomoa. An bikfala rod insaet long biktaon ya olketa wakem long nambawan gol wea hemi klia tumas olsem glas.

Revelesin 21:25

Olketa geit blong hem bae i no save sat enitaem, bikos ples ya hemi no save naet.