Revelesin 20:3 - Pijin Bible

³ Den enjel ya hemi torowem snek ya insaet long hol ya, an hemi satem doa blong disfala ples an hemi lokem strong. Bikfala snek ya bae hemi stap insaet long hol ya fo 1,000 yia, mekem hemi no save laea moa long olketa pipol long wol. Bat bihaen long 1,000 yia, bae enjel ya mas letem hem fri moa fo lelebet taem.

Pijin Deuterocanon

³ Den enjel ya hemi torowem snek ya insaet long hol ya, an hemi satem doa blong disfala ples an hemi lokem strong. Bikfala snek ya bae hemi stap insaet long hol ya fo 1,000 yia, mekem hemi no save laea moa long olketa pipol long wol. Bat bihaen long 1,000 yia, bae enjel ya mas letem hem fri moa fo lelebet taem.

Revelesin 20:3 ပူးပေါင်းရင်းမြစ်များ

Sams 90:4

Long yu, 1,000 yia hemi olsem nomoa wanfala de, hemi olsem yestade wea hemi gopas finis, an hemi olsem wan aoa long naet, wea hemi gopas kuiktaem nomoa.

Daniel 6:17

Olketa satem hol ya long wanfala bikfala ston, an king wetem olketa bikman blong hem i putum mak long ston ya, mekem no eniwan save sensim enisamting moa abaotem Daniel.

Matiu 24:24

Bikos olketa laea Mesaea an olketa laea profet bae olketa kamap. An bae olketa mekem olketa bikfala saen an olketa mirakol wea olketa trae fo trikim olketa pipol wea God hemi siusim olketa finis.

Matiu 27:66

So olketa go long kev ya, an olketa satem gud an olketa putum mak long hem fo stopem olketa pipol fo no openem, an olketa letem olketa soldia fo sekiuriti gudfala long kev ya nao.

Gudnius abaotem Jisas Kraes wea Mak hemi raetem 4:15

Olketa sid wea olketa foldaon long rod ya, hemi olsem taem olketa pipol olketa herem toktok ya, an semtaem nomoa Seitan hemi kam an tekemaot toktok ya from maen blong olketa nomoa.

Gudnius abaotem Jisas Kraes wea Luk hemi raetem 8:31

An olketa gohed fo krae long Jisas fo no raosim olketa fo godaon long hel

2 Korin 11:3

Bat mi wari tumas, nogud olketa lidim yufala fo gorong, mekem yufala lusim disfala wei fo stap klin an lavem Kraes tumas. Nogud hemi olsem taem snek ya hemi trikim Iv long laea blong hem.

2 Pita 3:8

Olketa fren, wanfala samting nomoa yufala mas tingim. Long tingting blong Masta, 1,000 yia hemi olsem wanfala de nomoa, an wanfala de hemi olsem 1,000 yia.

Revelesin 12:9

Olketa raosim hem wetem olketa enjel blong hem an torowem olketa godaon long wol. Bikfala snek ya, hem nao disfala snek blong bifoa kam yet. An hem nao olketa kolem hem “Devol” o “Seitan”, wea hemi save trikim evri pipol long wol fo duim olketa nogud samting.

Revelesin 13:14

Bikos hemi garem paoa fo mekem olketa mirakol long saet blong fas wael animol ya, hemi trikim evri pipol long wol. Hemi talem olketa pipol fo mekem wanfala kaving fo luk olsem fas wael animol ya, wea olketa bin kilim hem dae wetem naef fo faet bat hemi laefbaek moa.

Revelesin 17:2

Evri king long wol bin durong wetem hem, an olketa pipol long wol tu i kamap olsem drang bikos olketa falom disfala nogud wei blong hem fo durong wetem eniwan.”

Revelesin 17:8

Wael animol wea yu lukim ya, hemi laef fastaem bat distaem hemi no laef nao. An no longtaem nomoa, bae hemi kamaot moa long hol ya wea hemi barava dip tumas. Bat bihaen, bae hemi lusim paoa blong hem go-go hemi nomoa nao. Taem olketa lukim moa wael animol ya, samfala pipol i sapraes an tingse hemi bikfala mirakol nao. Olketa ya nao i pipol wea nem blong olketa no stap insaet long buk blong laef stat kam long taem wea God hemi mekem disfala wol. Olketa ya sapraes bikos wael animol ya, fastaem hemi stap, an distaem hemi no stap, bat bae hemi kambaek moa.

Revelesin 20:1

Den mi lukim wanfala enjel wea hemi kamdaon from heven. Long han blong hem, hemi holem ki blong lok blong disfala hol wea hemi barava dip tumas, an hemi holem tu wanfala bikfala sen.