Revelesin 19:19 - Pijin Bible

¹⁹ Nao mi lukim moa wael animol ya, wetem olketa king long wol an olketa ami blong olketa, olketa bin hipap long wanples fo faet. Olketa redi fo faet agensim disfala man hu hemi sidaon antap long hos ya, wetem ami blong hem.

Pijin Deuterocanon

¹⁹ Nao mi lukim moa wael animol ya, wetem olketa king long wol an olketa ami blong olketa, olketa bin hipap long wanples fo faet. Olketa redi fo faet agensim disfala man hu hemi sidaon antap long hos ya, wetem ami blong hem.

Revelesin 19:19 ပူးပေါင်းရင်းမြစ်များ

Daniel 8:25

Bikos hemi save tumas hao fo mekem olketa nogud trik, evrisamting bae hemi kamap gud fo hem falom olketa laea wei blong hem. Bae hemi kamap praod tumas abaotem hem seleva, an taem olketa pipol i nating save, bae hemi spoelem olketa. Disfala king ya bae hemi agensim nomoa God hu hemi hae tumas winim evri narafala king. Bat bae God hemi spoelem hem, an hemi no yusim eni man fo duim.

Revelesin 11:7

Nao taem tufala talemaot toktok blong God finis, disfala wael animol bae hemi kamaot long hol ya wea hemi barava dip tumas, an bae hemi faetem tufala. An bae hemi winim tufala an kilim tufala dae.

Revelesin 14:9

Nao mi lukim moa mektri enjel wea hemi kam bihaen long tufala enjel ya, an hemi singaot olsem, “Sapos eni man hemi wosipim wael animol ya wetem kaving blong hem, an hemi tekem disfala mak blong wael animol ya long fohed o long raet han blong hem,

Revelesin 16:14

Trifala ravis devol ya, olketa nogud tumas an olketa garem paoa fo mekem enikaen mirakol. Nao trifala devol ya olketa go fo lukim olketa king long evri ples long wol, mekem olketa hipap fo faet long bikfala De blong God hu hemi garem evri paoa.

Revelesin 16:16

Den trifala ravis devol ya olketa mekem olketa king fo hipap long wanfala ples, wea long langguis long Hibru olketa kolem Amagedon.

Revelesin 18:9

Nao evri king long wol wea olketa durong wetem Babilon, an wea olketa searem olketa gudfala samting blong hem finis, bae olketa krae fogud an singaot bikfala, taem olketa lukim smok blong faea wea bae hemi gohed fo bonem hem.

Revelesin 19:21

An disfala man wea hemi sidaon antap long hos ya, hemi kilim olketa soldia dae wetem disfala naef fo faet wea hemi kamaot long maos blong hem. An olketa bed kamdaon an kaikaim mit blong bodi blong olketa soldia ya, go-go olketa fulap fogud.