Revelesin 18:22 - Pijin Bible

²² Insaet long yu, bae no eniwan moa fo pleim gita, o singsing, o bloum moa bambu an trampet. No eniwan bae hemi waka long yu moa, an bae no enitaem moa olketa save mekem flaoa blong bred long yu.

Pijin Deuterocanon

²² Insaet long yu, bae no eniwan moa fo pleim gita, o singsing, o bloum moa bambu an trampet. No eniwan bae hemi waka long yu moa, an bae no enitaem moa olketa save mekem flaoa blong bred long yu.

Revelesin 18:22 ပူးပေါင်းရင်းမြစ်များ

Stori abaotem Job 3:7

No letem eni narafala woman moa hemi babule long datfala sem naet. An no letem eniwan i hapi long datfala naet.

Eklesiastes 12:4

Bae yu lelebet iapas, an bae yu nating save herem noes long rod, o noes wea olketa mekem taem olketa krasim wit fo hemi kamap flaoa. Bat singsing blong olketa bed nomoa save mekem yu fo wekap.

Aesaea 23:12

Ya, Yawe nao hemi tok olsem, “!Olketa pipol blong Saedon! Bifoa, yufala i hapi, bat gudfala taem blong yufala ya hemi finis nao. Distaem yufala stap nao andanit long paoa blong olketa enemi blong yufala. An sapos yufala laek fo ranawe, nomata yufala go kasem Saepras, bat bae yufala nating save stap gudfala nomoa.”

Jeremaea 16:9

Hem nao mi Yawe hu mi garem evri paoa, an hu mi God blong Israel, mi talem yufala: Barava long ae blong yufala long disfala ples an long taem wea yufala save lukim, bae mi barava finisim noes blong olketa pipol wea i hapi, an olketa hapi voes blong olketa boe an gele long fist blong marit.

Jeremaea 25:10

Bae mi mekem wea yufala no save herem moa olketa singsing fo hapi, olsem hapi voes blong boe an gele taem tufala ya i marit. Bae yufala no garem moa sid blong wit fo mekem bred, an yufala no garem moa oliv oel fo laet blong yufala.

Jeremaea 33:11

wea olketa pipol i singaot bikfala, bikos olketa barava hapi tumas. Olketa save herem tu singsing blong olketa boe an gele long fist blong marit. An olketa save herem olketa pipol wea i gohed fo karim olketa ofaring long Tambuhaos blong mi fo talem tengkiu long mi. Bae olketa singaot olsem: Yumi talem tengkiu long Yawe hu hemi garem evri paoa, bikos hemi gud tumas. Ya, bikos hemi tinghevi long yumi olowe. “Olketa samting ya hemi hapen bikos bae mi mekem disfala lan blong yufala fo gudbaek moa olsem bifoa.” Hem nao toktok blong Yawe.

Jeremaea 7:34

Disfala lan bae hemi kamap drae eria nomoa. Long olketa taon long Jiuda, an long olketa bikrod long Jerusalem, bae mi mekem man hemi no save herem moa noes blong olketa pipol wea i stap hapi, an olketa noes blong olketa fist fo marit. Ya, bae mi mekem no eniwan save stap long disfala lan moa.”

Esikiel 26:13

An bae mi finisim evri singsing wea yufala gohed fo singim, an no eniwan save herem moa saon long olketa gita olketa pleim.

Matiu 9:23

Nao taem Jisas hemi kasem haos blong disfala bikman ya, hemi lukim olketa pipol hu olketa meknoes tumas an go-gohed fo krae bikfala.