Revelesin 18:17 - Pijin Bible

¹⁷ Bat wea, long wanfala aoa nomoa, evri gudfala samting blong yu i lus nao.” An olketa kapten blong olketa sip, an olketa pasenja, an olketa kru, an olketa man hu i garem sip fo mekem bisnis, bae olketa tu i stanap farawe an lukluk.

Pijin Deuterocanon

¹⁷ Bat wea, long wanfala aoa nomoa, evri gudfala samting blong yu i lus nao.” An olketa kapten blong olketa sip, an olketa pasenja, an olketa kru, an olketa man hu i garem sip fo mekem bisnis, bae olketa tu i stanap farawe an lukluk.

Revelesin 18:17 ပူးပေါင်းရင်းမြစ်များ

Aesaea 23:14

!Yufala hu i waka long olketa bikfala kago sip! !Yufala krae nao! Olketa enemi i spoelem finis strongfala sefples blong yufala.

Aesaea 47:9

Bat long wanfala taem, long wanfala de nomoa, tufala trabol ya bae hemi kam kasem yu. Nomata yu yusim evri majik blong yu, bae yu olsem nomoa woman hu hemi lusim hasban blong hem, wetem evri pikinini blong hem long wanfala de nomoa.

Jeremaea 51:8

Bat distaem Babilon tu bae hemi foldaon, an olketa enemi blong hem bae i kam spoelem hem finis. !Sore an krae long hem! !Faendem meresin fo putum long soa blong hem! Maet yufala save hilim hem.

Lamentesin 4:6

God hemi spoelem wantaem nomoa taon long Sodom, an no eniwan save helpem hem. Bat panis wea hemi kasem pipol blong mi hemi wos moa winim panis blong pipol long Sodom bifoa.

Jona 1:6

Taem kapten hemi lukim hem, hemi hatem hem olsem, “!Ei! ?Hao nao yu slip nomoa olsem? !Yu wekap an prea go long god blong yu! Maet hemi save sore long yumi an bae yumi no dae.”

Aposol 27:11

Bat disfala bikman blong ami, hemi lisin nomoa long olketa toktok blong kapten blong sip wetem man hu hemi onam sip ya, bat hemi no lisin long olketa toktok blong Pol.

Revelesin 17:12

“An tenfala hon wea yu lukim finis ya, hemi tenfala king wea olketa no rul olsem king yet. Bat bihaen, bae olketa garem paoa fo rul olsem king wetem disfala wael animol ya, an bae olketa rul fo wanfala aoa nomoa.

Revelesin 17:16

Nao wael animol ya bae hemi heitem disfala juri ya. An olketa tenfala hon wea yu lukim ya, olketa tu bae olketa heitem hem. Bae olketa tekem evrisamting wea hemi garem, an bae olketa livim hem fo stap neket nomoa. An bae olketa kaikaim tu mit long bodi blong hem an bonem hem long faea.

Revelesin 18:19

Olketa putum samfala dast long hed blong olketa bikos olketa barava sore tumas, an olketa krae bik olsem, “!Maewat, sore tumas long biktaon ya! Evriwan hu i garem sip, olketa nao bin kamap ris tumas long evri gudfala samting blong yu. Bat long wanfala aoa nomoa, yu barava luknogud nao.”