Revelesin 17:15 - Pijin Bible

¹⁵ Nao enjel ya hemi tok olsem long mi moa, “Yu save, olketa riva wea yu lukim disfala juri hemi sidaon kolsap long olketa ya, hem nao olketa pipol blong evri kantri an evri ples long wol, an olketa blong enikaen traeb an enikaen langguis tu.

Pijin Deuterocanon

¹⁵ Nao enjel ya hemi tok olsem long mi moa, “Yu save, olketa riva wea yu lukim disfala juri hemi sidaon kolsap long olketa ya, hem nao olketa pipol blong evri kantri an evri ples long wol, an olketa blong enikaen traeb an enikaen langguis tu.

Revelesin 17:15 ပူးပေါင်းရင်းမြစ်များ

Sams 18:4

Paoa blong dae hemi raonem mi finis, olsem bikfala solwata wea hemi brek antap long mi, an hemi rolem mi fo spoelem nao.

Sams 65:7

Yu mekem olketa raf si fo kuaet, an yu stopem noes blong olketa bikfala si. An yu mekem tu olketa pipol fo kuaet an no ra-raoa.

Jeremaea 47:2

Yawe nao hemi tok olsem, “!Lukim kam! Olketa enemi i hipap kam long not, olsem bikfala flad. Bae olketa kavaremap disfala lan, wetem evrisamting wea hemi stap long hem. Bae olketa kavaremap olketa taon, wetem olketa pipol wea i stap long olketa. Olketa pipol ya bae i singaot bikfala fo help, an olketa hu i stap long lan bae i kraeaot tumas,

Jeremaea 51:13

Yufala pipol stap long midol long plande riva, an yufala ris fogud, bat taem hemi kam nao, wea bae yufala finis nao.

Jeremaea 51:42

Bae hemi olsem bikfala solwata hemi kavarem hem, an rafsi hemi gohed fo brek antap long hem.

Jeremaea 51:55

Bat bae mi Yawe mi spoelem finis disfala taon, mekem olketa pipol blong hem stap kuaet nomoa, wea no eniwan save herem olketa nao. Bae olketa enemi i gohed fo kam long olketa, olsem biksi hemi gohed fo kavaremap soa, an noes blong olketa ya taem olketa singaot bikfala long faet, hemi olsem noes blong rafsi taem hemi brek long rif.

Esikiel 31:4

Hemi garem plande wata, an disfala bikfala springwata wea hemi ran andanit long graon mekem hem fo grou tol fogud. Bikfala riva wea hemi kamaot from springwata ya hemi ran go raonem botom long tri, an mekem tu plande smolfala riva moa fo go long evri narafala tri long bus.

Revelesin 10:11

Den olketa sei olsem long mi, “Yu mas talemaot moa olketa toktok blong God, wea hemi tokabaotem olketa pipol blong plande deferen kantri an traeb an langguis, an olketa king tu.”

Revelesin 11:9

Nao fo tri an haf de, bae pipol blong olketa deferen traeb, an laen, an langguis an kantri, bae olketa lukluk long bodi blong tufala. An bae olketa no letem eniwan fo berem tufala.

Revelesin 17:1

Wanfala long olketa sevenfala enjel ya, hemi kam long mi an hemi tok olsem, “Yu kam, mekem mi som yu panis wea bae mi givim long disfala biktaon wea hemi kolsap long plande riva. Disfala taon ya hemi olsem barava nogud juri.

Revelesin 5:9

An olketa gohed fo singim wanfala niufala singsing wea hem sei olsem, “Yu nao man wea yu fit fo tekem skrol ya an brekem olketa tambu mak long hem. Bikos olketa bin kilim yu dae, an disfala blad blong dae blong yu hemi peimaot olketa pipol fo God. Olketa pipol ya i stap kam long evri traeb an long evri langguis an long evri laen long wol an long evri kantri.