Revelesin 17:11 - Pijin Bible

¹¹ Wanfala long sevenfala king ya nao hemi disfala wael animol wea hemi laef fastaem an distaem hemi no laef nao. Diswan nao bae hemi kamap mekeit king long olketa. Bat bihaen moa, bae hemi lusim paoa blong hem go-go hemi nomoa nao.

Pijin Deuterocanon

¹¹ Wanfala long sevenfala king ya nao hemi disfala wael animol wea hemi laef fastaem an distaem hemi no laef nao. Diswan nao bae hemi kamap mekeit king long olketa. Bat bihaen moa, bae hemi lusim paoa blong hem go-go hemi nomoa nao.

Revelesin 17:11 ပူးပေါင်းရင်းမြစ်များ

Revelesin 13:10

Sapos God hemi siusim eniwan fo go long prisin, oraet, bae hemi go long prisin. An sapos God hemi siusim eniwan fo dae long naef fo faet, oraet, bae hemi dae long naef fo faet. Taem olketa samting olsem hemi hapen, yufala olketa pipol blong God mas stanap strong nomoa an yufala mas biliv strong long God.”

Revelesin 13:12

Nao mektu wael animol hemi gohed fo yusim evri paoa wea fas wael animol ya hemi garem. Hemi fosim evri pipol long wol fo wosipim fas wael animol ya, wea hemi garem nogud soa long hem bat hemi gudbaek finis.

Revelesin 13:3

An wael animol ya hemi garem mak long wanfala hed blong hem, wea hemi luk olsem olketa bin kilim hem dae. Bat soa long disfala hed ya hemi gudbaek finis. An evri pipol long wol, olketa barava sapraes tumas long wael animol ya, an olketa gohed nao fo falom hem.

Revelesin 17:8

Wael animol wea yu lukim ya, hemi laef fastaem bat distaem hemi no laef nao. An no longtaem nomoa, bae hemi kamaot moa long hol ya wea hemi barava dip tumas. Bat bihaen, bae hemi lusim paoa blong hem go-go hemi nomoa nao. Taem olketa lukim moa wael animol ya, samfala pipol i sapraes an tingse hemi bikfala mirakol nao. Olketa ya nao i pipol wea nem blong olketa no stap insaet long buk blong laef stat kam long taem wea God hemi mekem disfala wol. Olketa ya sapraes bikos wael animol ya, fastaem hemi stap, an distaem hemi no stap, bat bae hemi kambaek moa.