Revelesin 16:2 - Pijin Bible

² So fas enjel hemi go kapsaetem baol blong hem antap long wol. An olketa pipol hu i garem disfala mak blong wael animol ya an olketa save wosipim kaving blong hem, olketa ravis soa kasem bodi blong olketa, wea olketa filpein tumas long hem.

Pijin Deuterocanon

² So fas enjel hemi go kapsaetem baol blong hem antap long wol. An olketa pipol hu i garem disfala mak blong wael animol ya an olketa save wosipim kaving blong hem, olketa ravis soa kasem bodi blong olketa, wea olketa filpein tumas long hem.

Revelesin 16:2 ပူးပေါင်းရင်းမြစ်များ

2 Kronikols 21:15

An bae mi mekem yu fo garem wanfala sik long bele blong yu. Insaet long bele blong yu bae hemi barava nogud, an evri de bae hemi kamap wos moa go-go bele blong yu hemi kamaot.’ ”

2 Kronikols 21:18

Bihaen, Yawe hemi mekem King Jehoram fo garem sik long bele blong hem wea no eniwan save kiurim.

Sams 78:26

An long paoa blong hem, hemi mekem win fo blou kam from ist, an hemi mekem win fo blou kam from saot tu.

Aesaea 3:17

From diswan, bae mi nao mi panisim olketa, wea bae mi mekem olketa soa fo kamap long hed blong olketa, an bae mi mekem olketa enemi fo aotem kaleko blong olketa, mekem evriwan save lukim olketa taem olketa i neket.”

Aesaea 3:24

Bae olketa no save smel naes moa, bat bae olketa barava smel nogud tumas. Bae olketa no save werem olketa nambawan strap, bat bae olketa enemi i taemapem olketa wetem rop olsem slev. Bae hea blong olketa no luknaes, bat bae olketa enemi i resam hea blong olketa. Bae olketa no save werem olketa barava spesol kaleko blong olketa, bat bae olketa werem nomoa olketa ravis kaleko. Bae olketa no save luknaes olsem distaem, bikos bae olketa enemi i makem bodi blong olketa olsem slev.

Aposol 12:23

An Herod hemi nating talem olketa fo preisim God, so semtaem nomoa wanfala enjel blong Masta hemi mekem hem fo sik nao. An olketa smolfala wom olketa kaikaim hem, go-go hemi dae nao.

Diutronomi 28:27

Yawe bae hemi mekem yufala fo sik long olketa boela olsem pipol blong Ijip i garem bifoa kam. Bae hemi mekem olketa bodi blong yufala i garem plande soa wea i fulap long nana. An bae bodi blong yufala i gohed fo skras olobaot, bat no eni meresin hemi stap fo mekem yufala kamap gud moa.

Diutronomi 28:35

Yawe bae hemi mekem lek blong yufala i fulap long olketa ravis boela wea i no save finis, an olketa boela ya bae olketa kavaremap yufala, stat long fut blong yufala go kasem hed blong yufala.

Diutronomi 7:15

An Yawe bae hemi stopem enikaen sik fo no kasem yufala. Bae hemi no save letem eniwan long olketa ravis sik blong Ijip wea yufala lukim finis fo kam kasem yufala moa. Bat bae hemi mekem olketa enemi blong yufala fo garem olketa sik ya.

Revelesin 13:12

Nao mektu wael animol hemi gohed fo yusim evri paoa wea fas wael animol ya hemi garem. Hemi fosim evri pipol long wol fo wosipim fas wael animol ya, wea hemi garem nogud soa long hem bat hemi gudbaek finis.

Revelesin 14:16

Den man hu hemi sidaon antap long klaod ya, hemi yusim huknaef blong hem, an hemi havestem olketa kaikai wea i redi finis long wol.

Revelesin 14:9

Nao mi lukim moa mektri enjel wea hemi kam bihaen long tufala enjel ya, an hemi singaot olsem, “Sapos eni man hemi wosipim wael animol ya wetem kaving blong hem, an hemi tekem disfala mak blong wael animol ya long fohed o long raet han blong hem,

Revelesin 16:1

Den mi herem moa wanfala voes long tambuhaos, wea hemi singaot olsem long sevenfala enjel ya, “Sevenfala baol wea olketa fulap long kros blong God ya, yufala go kapsaetem antap long wol ya.”

Revelesin 16:11

An olketa gohed fo tokspoelem God long heven, bikos olketa barava filpein tumas, an olketa garem nogud soa long bodi blong olketa. Bat olketa no wari nomoa fo sensim tingting blong olketa an lusim olketa ravis wei blong olketa.

Revelesin 8:7

Den fas enjel hemi bloum trampet blong hem. An aes an faea wea tufala miks wetem blad hemi foldaon kam long wol olsem ren. An insaet long wol ya, bikfala haf blong graon nao faea hemi bonem wetem bikfala haf blong olketa tri an evri grin gras.

1 Samuel 5:6

Long datfala taem, Yawe hemi spoelem olketa pipol long Asdod wetem olketa pipol long olketa ples raonem hem, an mekem olketa garem olketa boela wea i gohed fo suelap long bodi blong olketa.

1 Samuel 5:9

Bat taem olketa tekem go long taon ya, Yawe hemi mekful long olketa tu, nao olketa fraet fogud go-go olketa krangge nao, bikos hemi spoelem olketa wetem olketa boela wea i suelap long bodi blong olketa evriwan, nomata man hemi olo o yangfala.