Revelesin 16:17 - Pijin Bible

¹⁷ Nao mekseven enjel hemi go kapsaetem baol blong hem long ea. An mi herem wanfala voes long tron insaet long tambuhaos, hemi singaot olsem, “!Hemi finis nao!”

Pijin Deuterocanon

¹⁷ Nao mekseven enjel hemi go kapsaetem baol blong hem long ea. An mi herem wanfala voes long tron insaet long tambuhaos, hemi singaot olsem, “!Hemi finis nao!”

Revelesin 16:17 ပူးပေါင်းရင်းမြစ်များ

Gudnius abaotem Jisas Kraes wea Jon hemi raetem 19:30

Taem Jisas hemi dringim waen ya finis, hemi tok olsem nao, “Mi finisim waka ya nao.” An Jisas hemi benem daon hed blong hem nomoa, an hemi dae nao.

Efesas 2:2

Long taem ya, yufala falom nomoa ravis wei blong disfala wol. Yufala obeim nomoa Seitan hu hemi bos blong olketa devol long skae, an wea hem nao hemi save bosim olketa pipol hu i no obei long God.

Efesas 6:12

Bikos yumi no faetem eni man nomoa, bat yumi faetem olketa ravis devol long skae, an olketa bikman an olketa lida long saet blong Seitan, an evri paoa blong tudak long disfala wol.

Revelesin 11:15

Nao mekseven enjel hemi bloum trampet blong hem. An mi herem olketa toktok long heven, wea olketa singaot olsem, “Evrisamting long wol ya hemi barava kam andanit long paoa blong Masta blong yumi wetem disfala Mesaea blong hem. An bae hemi rul ovarem evrisamting evritaem an olowe.”

Revelesin 11:19

Nao Tambuhaos blong God long heven hemi open, an olketa pipol lukim disfala boks blong spesol agrimen blong God. An taem ya tu, bikfala noes hemi kam an laetning hemi laet olobaot an tanda hemi bosta. An wanfala etkuek nao hemi sekem graon, an olketa bikfala pis aes i foldaon kam long hem.

Revelesin 14:15

Nao mi lukim nara enjel moa wea hemi kamaot long tambuhaos, wea hemi singaot olsem long man hu hemi sidaon antap long klaod ya, “Yu yusim huknaef blong yu, an katemaot olketa kaikai wea olketa redi finis. Distaem hemi barava taem fo havest, bikos evri kaikai long wol hemi redi nao.”

Revelesin 14:17

Nao mi lukim moa nara enjel wea hemi kamaot long tambuhaos long heven, an hem tu hemi garem wanfala huknaef wea hemi sap fogud.

Revelesin 16:1

Den mi herem moa wanfala voes long tambuhaos, wea hemi singaot olsem long sevenfala enjel ya, “Sevenfala baol wea olketa fulap long kros blong God ya, yufala go kapsaetem antap long wol ya.”

Revelesin 21:6

An hemi talem olsem moa, “Ya, evrisamting hemi finis nao. Mi nao mi faswan bifoa evrisamting, an bae mi laswan tu bihaen evrisamting ya. Ya, mi nao statem evrisamting an bae mi nao finisim evrisamting tu. Sapos eniwan hemi laek fo dring, bae mi letem hem fo dring fri long disfala springwata blong laef.