Revelesin 15:1 - Pijin Bible

¹ Den mi lukim moa wanfala bikfala saen long skae, wea mi barava sapraes tumas long hem. Mi lukim sevenfala enjel wea olketa tekem kam sevenfala bikfala panis. Olketa panis ya olketa laswan, bikos taem olketa finis, kros blong God tu bae hemi finis.

Pijin Deuterocanon

¹ Den mi lukim moa wanfala bikfala saen long skae, wea mi barava sapraes tumas long hem. Mi lukim sevenfala enjel wea olketa tekem kam sevenfala bikfala panis. Olketa panis ya olketa laswan, bikos taem olketa finis, kros blong God tu bae hemi finis.

Revelesin 15:1 ပူးပေါင်းရင်းမြစ်များ

Daniel 6:27

God ya save sevem man, an hemi gohed fo mekem olketa saen an mirakol long heven an long disfala wol. Hemi sevem Daniel from olketa laeon.”

Levitikas 26:21

“An sapos yufala gohed yet fo agensim mi, an fo no obeim mi, bae mi dabolem moa panis blong yufala from olketa sin blong yufala.

Revelesin 10:3

An hemi singaot bikfala olsem taem laeon hemi singaot. Taem hemi singaot finis, sevenfala tanda olketa talemaot toktok blong olketa.

Revelesin 11:14

Mektu sore hemi go finis nao, bat no longtaem, bae mektri sore hemi kam moa.

Revelesin 14:10

bae God hemi panisim hem. Bae man ya hemi dringim disfala kap waen, wea hem nao olsem ful paoa blong kros blong God. Olketa bae safa nogud tumas long barava hot faea wea hemi laet long diskaen ston salfa. An olketa holi enjel an Smolfala Sipsip ya bae lukim diswan.

Revelesin 14:19

So enjel ya hemi yusim huknaef blong hem fo havestem olketa frut blong olketa grep tri long wol. Hemi torowem olketa frut ya insaet long bikfala hol long ston wea olketa yusim fo wakem waen long hem. Ples ya hemi saen blong kros blong God.

Revelesin 16:1

Den mi herem moa wanfala voes long tambuhaos, wea hemi singaot olsem long sevenfala enjel ya, “Sevenfala baol wea olketa fulap long kros blong God ya, yufala go kapsaetem antap long wol ya.”

Revelesin 17:1

Wanfala long olketa sevenfala enjel ya, hemi kam long mi an hemi tok olsem, “Yu kam, mekem mi som yu panis wea bae mi givim long disfala biktaon wea hemi kolsap long plande riva. Disfala taon ya hemi olsem barava nogud juri.

Revelesin 19:15

Wanfala naef fo faet wea hemi sap tumas, hemi kamaot long maos blong hem, an bae hemi yusim diswan fo winim evri kantri. An bae hemi strik tumas taem hemi rul ovarem olketa ya. An bae hemi mekem bikfala kros blong God hu hemi garem evri paoa, fo kasem olketa. Bae hemi olsem taem wanfala man hemi step antap long olketa frut blong grep tri ya, go-go wata blong frut ya hemi kamaot.

Revelesin 21:9

Nao wanfala enjel hemi kam long mi. Hemi wanfala long sevenfala enjel ya, wea bifoa olketa holem sevenfala baol wea i fulap long sevenfala las bikfala panis. Nao hemi tok olsem long mi, “Yu kam, mekem mi som yu disfala waef blong Smolfala Sipsip ya wea hemi jes maritim.”

Revelesin 8:13

Bihaen mi luk go moa, an mi herem wanfala igol wea hemi flae antap tumas, hemi gohed fo singaot bikfala olsem, “!Sore tumas! !Sore tumas! Sore tumas long olketa pipol long wol, bikos taem nara trifala enjel moa olketa bloum trampet blong olketa, bae hemi barava nogud tumas long olketa ya.”

Revelesin 8:2

An bihaen, mi lukim dat olketa givim go sevenfala trampet long olketa sevenfala enjel wea olketa gohed fo stanap long frant blong God.

Revelesin 8:6

Nao sevenfala enjel wea olketa holem sevenfala trampet ya, olketa mekredi fo bloum.

Revelesin 9:20

Bat evri pipol wea olketa no dae long bikfala panis ya, olketa no lusim ravis wei blong olketa fo wosipim olketa laea god wea olketa seleva i wakem. Olketa gohed nomoa fo wosipim olketa devol an olketa tambu kaving blong gol an silva an bras an ston an stik. Olketa tambu kaving ya i nating save lukluk o herem enisamting o wakabaot tu.