Revelesin 14:17 - Pijin Bible

¹⁷ Nao mi lukim moa nara enjel wea hemi kamaot long tambuhaos long heven, an hem tu hemi garem wanfala huknaef wea hemi sap fogud.

Pijin Deuterocanon

¹⁷ Nao mi lukim moa nara enjel wea hemi kamaot long tambuhaos long heven, an hem tu hemi garem wanfala huknaef wea hemi sap fogud.

Revelesin 14:17 ပူးပေါင်းရင်းမြစ်များ

Revelesin 11:19

Nao Tambuhaos blong God long heven hemi open, an olketa pipol lukim disfala boks blong spesol agrimen blong God. An taem ya tu, bikfala noes hemi kam an laetning hemi laet olobaot an tanda hemi bosta. An wanfala etkuek nao hemi sekem graon, an olketa bikfala pis aes i foldaon kam long hem.

Revelesin 14:16

Den man hu hemi sidaon antap long klaod ya, hemi yusim huknaef blong hem, an hemi havestem olketa kaikai wea i redi finis long wol.

Revelesin 14:18

Nao nara enjel moa hu hemi lukaftarem faea long olta, hemi lusim olta ya an hemi kam. Hemi singaot go long nara enjel hu hemi garem disfala sap huknaef an hemi sei, “Yu yusim huknaef blong yu fo havestem olketa frut blong grep tri. Bikos olketa frut i raep nao.”

Revelesin 16:1

Den mi herem moa wanfala voes long tambuhaos, wea hemi singaot olsem long sevenfala enjel ya, “Sevenfala baol wea olketa fulap long kros blong God ya, yufala go kapsaetem antap long wol ya.”

Revelesin 16:17

Nao mekseven enjel hemi go kapsaetem baol blong hem long ea. An mi herem wanfala voes long tron insaet long tambuhaos, hemi singaot olsem, “!Hemi finis nao!”