Revelesin 12:8 - Pijin Bible

⁸ Bat Maekol nao hemi winim bikfala snek ya. An stat long taem ya, bikfala snek ya an olketa enjel blong hem olketa no save stap moa long heven.

Pijin Deuterocanon

⁸ Bat Maekol nao hemi winim bikfala snek ya. An stat long taem ya, bikfala snek ya an olketa enjel blong hem olketa no save stap moa long heven.

Revelesin 12:8 ပူးပေါင်းရင်းမြစ်များ

Stori abaotem Job 20:9

Bae hemi lus finis from ples blong hem, an no eniwan save lukim hem moa.

Stori abaotem Job 7:10

Taem man hemi dae, hemi no save kambaek long ples blong hem.

Stori abaotem Job 8:18

Bat taem eniwan hemi pulumaot ravis gras ya, bae no eniwan hemi luksave nomoa long ples wea hemi bin grou long hem.

Sams 129:2

Stat long taem ya ka-kam kasem tude, olketa enemi blong yumi i bin ronem yumi an spoelem yumi, bat olketa nating winim yumi nomoa.

Sams 13:4

Sapos yu no helpem mi bae olketa enemi blong mi i tok olsem, “Yumi winim hem finis.” An bae olketa hapi tumas bikos olketa daonem mi.

Sams 37:10

No longtaem, bae olketa nogud pipol i lus. Nomata yu lukaotem olketa, bae yu no save faendem olketa.

Jeremaea 1:19

Bae olketa faet agensim yu bat bae olketa no save winim yu, bikos mi nao mi stap wetem yu an bae mi kipim yu sef.” Hem nao mesij blong Yawe.

Jeremaea 5:22

Mi Yawe nao ya. Yufala lukim bikfala solwata. Mi nao putum sanbis olsem spialaen wea solwata ya kanduit gopas long hem. Nomata solwata hemi raf fogud an hemi biksi tumas, bat bae hemi no save ovam mak ya. ?Waswe nao yufala no save fraetem mi? ?Waswe nao yufala no seksek long ae blong mi?

Matiu 16:18

So mi talem long yu, yu nao Pita wea yu olsem wanfala ston ya. An antap long disfala bikfala ston ya bae mi wakem sios blong mi long hem. An nomata paoa blong dae, bae hemi no save fo winim disfala sios.

Aposol 1:25

fo tekem disfala waka olsem aposol. Bae hemi sensim Jiudas hu hemi lusim finis disfala waka, an hemi go long barava ples blong hem.”

Jiud 1:6

An yufala tingim tu olketa enjel wea God hemi givim bikfala paoa long olketa. Bat samfala long olketa i les fo duim waka wea hemi givim olketa, an olketa lusim gudfala ples blong olketa. So God hemi taengem olketa long sen wea hemi no save brek long enitaem, an hemi putum olketa stap insaet long ples wea hemi barava tudak tumas. An bae olketa stap long ples ya go-go kasem taem blong bikfala De wea God bae hemi jajem evriwan.

Revelesin 12:11

Bat olketa Kristin olketa bin winim hem finis long paoa blong blad blong Smolfala Sipsip ya, an long paoa blong tru toktok wea olketa bin talemaot. An olketa wiling fo givim laef blong olketa an letem olketa seleva fo dae.

Revelesin 12:7

Den wanfala bikfala faet hemi stat long heven. Maekol wetem olketa enjel blong hem, olketa stat fo faet agensim bikfala snek ya. An bikfala snek ya wetem olketa enjel blong hem, olketa traehad fo faetem olketa tu.

Revelesin 12:9

Olketa raosim hem wetem olketa enjel blong hem an torowem olketa godaon long wol. Bikfala snek ya, hem nao disfala snek blong bifoa kam yet. An hem nao olketa kolem hem “Devol” o “Seitan”, wea hemi save trikim evri pipol long wol fo duim olketa nogud samting.

Revelesin 20:11

Den mi lukim wanfala bikfala tron wea hemi waet fogud, an mi lukim tu God hu hemi sidaon long hem. An wol wetem skae tufala ranawe from God, an no eniwan save faendem tufala long eni ples.