Revelesin 12:16 - Pijin Bible

¹⁶ Bat graon nao hemi helpem woman ya. Wanfala bikfala hol nao hemi open long graon, an evri wata wea i kamaot long maos blong bikfala snek ya, hemi godaon falom hol ya.

Pijin Deuterocanon

¹⁶ Bat graon nao hemi helpem woman ya. Wanfala bikfala hol nao hemi open long graon, an evri wata wea i kamaot long maos blong bikfala snek ya, hemi godaon falom hol ya.

Revelesin 12:16 ပူးပေါင်းရင်းမြစ်များ

1 Kings 17:6

Hemi dringim wata long smol riva long dea, an long moning an long ivining, olketa bed i gohed fo karim kam bred an mit fo hem olowe.

2 Kings 8:9

So Hasael hemi go tekem plande gudfala samting wea olketa wakem long Damaskas, an hemi fitim foti kamel nao fo karim. Taem hemi kasem Elaesa, hemi go stanap long frant long hem an tok olsem, “Ben-Hadad king long Siria hemi olsem pikinini blong yu. An hemi sendem mi fo faendemaot long yu olsem, bae hemi gudbaek from sik blong hem o nomoa.”

Matiu 23:24

!Yufala nao olketa man fo lidim pipol, bat yufala blaen fogud ya! Yufala save wari tumas fo no sualomdaon olketa smolfala flae, bat bikfala kamel nao yufala sualomdaon.

Revelesin 12:15

Nao bikfala snek ya hemi toraotem go wata from maos blong hem, wea hemi olsem wata hemi ran bikfala. Hemi trae fo draonem woman ya.

Revelesin 12:17

Nao bikfala snek ya hemi kros tumas long woman ya, so hemi go an faet agensim olketa nara pikinini blong hem. Olketa ya nao olketa pipol hu i obeim olketa lo blong God an trastem olketa tru toktok wea Jisas hemi talemaot.