Revelesin 1:15 - Pijin Bible

¹⁵ An lek blong hem hemi saen olsem bras wea olketa klinim an hemi saen fogud, an voes blong hem hemi meknoes tumas olsem olketa bikfala wev.

Pijin Deuterocanon

¹⁵ An lek blong hem hemi saen olsem bras wea olketa klinim an hemi saen fogud, an voes blong hem hemi meknoes tumas olsem olketa bikfala wev.

Revelesin 1:15 ပူးပေါင်းရင်းမြစ်များ

Sams 93:4

Bat yu nao yu rul long heven, an yu hae moa winim noes blong rafsi. Ya, paoa blong yu hemi strong moa winim paoa blong rafsi.

Aesaea 17:13

Bat nomata olketa ya i ran kam kuiktaem long yumi olsem bikfala solwata wea hemi brek kam long sanbis, taem Yawe hemi tok long olketa, bae olketa evriwan i taneraon an ranawe. Hemi ronemaot olketa an olketa i olsem wea olketa flae nomoa olsem asis long saet long hil, o olsem drae lif wea bikfala win hemi karim go.

Esikiel 1:24

Taem olketa flae, mi herem noes long wing blong olketa hemi here olsem noes blong bikfala wev taem hemi brek antap long rif. An hemi olsem tu noes blong bikfala ami taem olketa faet, an hemi olsem tu voes blong God hu hemi garem evri paoa. Taem olketa stanap kuaet, olketa daonem wing blong olketa.

Esikiel 1:7

Lek blong olketa hemi stret an long daon hemi olsem lek blong buluka. Olketa lek ya i saen fogud olsem bras wea man hemi saenem.

Esikiel 40:3

Hemi tekem mi go kolsap moa, an mi lukim wanfala man wea bodi blong hem hemi saen fogud olsem bras. Hemi stanap long geit blong taon ya, an hemi holem wanfala longfala rula an wanfala teip fo mesarem wea i wakem long nambawan waet kaleko.

Esikiel 43:2

Long ples ya, mi lukim saen long bikfala paoa blong God blong Israel hemi kamaot long ist. Voes blong hem hemi here olsem noes blong bikfala wev wea hemi brek long rif, an lan ya hemi saen fogud long laet blong bikfala paoa blong hem.

Daniel 10:6

Bodi blong hem hemi barava saen fogud olsem san, an fes blong hem hemi barava saen fogud olsem laetning, an ae blong hem hemi laet olsem faea. Tufala han an tufala lek blong hem i saen fogud olsem bras wea olketa saenem, an voes blong hem hemi here olsem noes blong staka pipol taem olketa hipap.

Revelesin 10:1

Mi lukim moa wanfala enjel hu hemi garem bikfala paoa, hemi lusim heven an kamdaon. Wanfala klaod hemi raonem hem olsem kaleko, an hemi garem wanfala renbou antap hed blong hem. An fes blong hem hemi saen olsem san, an tufala lek blong hem hemi olsem bikfala pos wea i laet long faea.

Revelesin 14:2

An mi herem wanfala saon long heven, wea hemi meknoes tumas olsem olketa bikfala wev an olketa bikfala tanda. An disfala saon ya hemi here olsem plande gita wea olketa gohed fo pleim.

Revelesin 19:6

Nao mi herem moa noes blong plande pipol tumas wea olketa singaot bikfala. Hemi meknoes tumas olsem bikfala wev an bikfala tanda. Olketa sei olsem, “!Haleluya! God Masta blong yumi hu hemi garem evri paoa, hem nomoa hemi King.

Revelesin 2:18

Disfala man hemi tok olsem moa, “An yu mas raet go long enjel blong sios long Taeataera, an yu sei olsem, ‘Hem nao toktok blong mi San Blong God, wea ae blong mi hemi olsem faea wea hemi laet, an lek blong mi hemi olsem bras wea hemi saen fogud.