Provebs 29:20 - Pijin Bible

²⁰ Sapos yu lukim man hu hemi toktok kuiktaem nomoa, oraet, krangge man hemi garem moa sans fo kasem save winim kaen man ya.

Pijin Deuterocanon

²⁰ Sapos yu lukim man hu hemi toktok kuiktaem nomoa, oraet, krangge man hemi garem moa sans fo kasem save winim kaen man ya.

Provebs 29:20 ပူးပေါင်းရင်းမြစ်များ

Provebs 14:29

Man no save kros kuiktaem, hemi waes fogud. Man save kros kuiktaem, hemi krangge fogud.

Provebs 19:2

Yu no save, oraet, no hariap. Yu hariap, oraet, yu gorong.

Provebs 21:5

Man waka had, bae hemi ris, man hemi hariap nating, bae hemi pua.

Provebs 26:12

Sapos yu lukim man hu hemi talem dat hemi smat, oraet, krangge man hemi garem moa sans fo kasem save winim man ya.

Provebs 29:11

Krangge man barava somaot kros blong hem, bat waes man hemi kontrolem kros blong hem.

Provebs 29:19

Nomata wakaman blong yu hemi smat, toktok nomoa no save stretem hem.

Provebs 29:21

Sapos yu kaen tumas long wakaman blong yu, bae hemi mekem yu krae.

Eklesiastes 5:2

Yu mas tingting gudfala fastaem bifoa yu talem enisamting, an yu mas no hariap fo mekem promis long God. God hemi stap long heven, an yu stap long wol, so yu no toktok tumas.

Jemes 1:19

Olketa gudfala fren blong mi, yufala mas save long diswan. Yufala mas wiling fo lisin, an yufala mas no kuiktaem fo tok an no kuiktaem fo kros.