Provebs 25:28 - Pijin Bible

²⁸ Yu no save kontrolem kros, yu wik olsem taon wea i no garem wolston raonem.

Pijin Deuterocanon

²⁸ Yu no save kontrolem kros, yu wik olsem taon wea i no garem wolston raonem.

Provebs 25:28 ပူးပေါင်းရင်းမြစ်များ

2 Kronikols 32:5

An king hemi gohed fo wakembaek moa bikfala wolston blong Jerusalem, an hemi wakem olketa gadhaos antap long hem tu. An aotsaet long wolston ya, hemi wakem narafala wolston moa fo goraonem taon ya. An hemi wakembaek tu wolston fo fulumapem graon long wanfala eria long seksin olketa kolem Biktaon blong King Deved. An hemi mekem olketa man blong hem fo redim plande wepon an sil fo stopem aro.

Nehemaea 1:3

Nao olketa tok olsem long mi, “Evriwan long yumi hu i stap laef yet an bin gobaek long distrik long Jiuda, trabol nao hemi kasem mifala ya, an mifala sem tumas. Bikfala wolston blong Jerusalem ya hemi kamap nogud, an olketa geit blong hem i bone nogud long faea.”

Provebs 16:32

Man hemi no kros kuiktaem, hemi strong winim nambawan soldia. Man save kontrolem kros blong hem, hemi strong winim man hu hemi save kontrolem wanfala taon long faet.

Provebs 19:18

Stretem pikinini taem hemi save lane, sapos nomoa, go-go bae hemi falom ravis laef an dae.

Provebs 19:19

Man fo kros tumas, bae hemi pei. Sapos yu stretem trabol blong hem, bae yu duim olowe.

Provebs 22:24

Yu no fren wetem man save kros tumas, an yu no stap tugeta wetem man save kros kuiktaem.

1 Samuel 20:30

Bat Sol hemi barava kros fogud long hem an hemi toksuea olsem, “!Yu pikinini blong ravis woman! !Distaem mi save dat yu fren wetem san blong Jese! !Yu spoelem nem blong yu wetem nem blong mami blong yu!

1 Samuel 25:17

Plis yu tingting gudfala long samting ya, an yu tingabaotem wanem nao bae yu mas duim, bikos hemi save mekem bikfala trabol fo kasem masta wetem yumi evriwan long hia. Yu save, masta hemi no tingting gud long eni man, an hemi no save lisin long eniwan.”