Provebs 23:17 - Pijin Bible

¹⁷ Yu no joles long man nogud, tinghevi an tinghae long Yawe nomoa.

Pijin Deuterocanon

¹⁷ Yu no joles long man nogud, tinghevi an tinghae long Yawe nomoa.

Provebs 23:17 ပူးပေါင်းရင်းမြစ်များ

Sams 111:10

Eniwan hu hemi laek fo kamap waes hemi mas tinghevi long Yawe. Ya, hemi givim gudfala tingting long olketa hu i obeim olketa gudfala toktok blong hem. Yumi mas preisim hem olowe.

Provebs 15:16

Man garem lelebet samting an tinghae long Yawe, hemi moabeta winim man hemi garem staka samting an tingting long trabol olowe.

Provebs 24:1

Yu no joles long olketa ravis man, yu mas les fo fren wetem olketa.

Provebs 24:19

Yu no wari long olketa man nogud. Yu no joles long ravis pipol.

Provebs 24:21

Pikinini blong mi, tinghae long Yawe, an long lida. Yu no joenem olketa hu i agensim tufala.

Provebs 28:14

Tinghae long Yawe olowe, bae yu save hapi. Bat sapos yu bikhed, bae yu kasem trabol.

Provebs 3:31

Yu no joles long olketa man fo faet, an no falom wei blong olketa.

Eklesiastes 5:6

Hemi nogud tumas fo yu talem toktok wea bae hemi mekem yu foldaon long sin. An yu no mekem eskius long prist olsem, “Promis blong mi hemi mistek.” ?Waswe nao yu laek fo mekem God hemi kros long yu an spoelem olketa samting wea yu bin hadwaka long hem?

Eklesiastes 5:7

Staka drim, an olketa had samting fo tingim, an plande toktok i stap, bat yumi mas gohed fo barava tinghae long God.

Aposol 9:31

Nao long taem ya, olketa pipol blong sios insaet long olketa provins long Jiudia an Galili an Samaria, no eniwan hemi faetem olketa moa. Holi Spirit hemi gohed fo helpem olketa, an hemi mekem sios fo ka-kamap strong moa, an hemi mekem namba blong olketa pipol fo kamap plande moa. An olketa gohed fo mekhae long Masta oltaem.

2 Korin 7:1

Olketa gudfala fren, hem nao olketa promis wea God hemi givim fo yumi. Dastawe yumi mas mekem yumi seleva fo klin long evrisamting wea hemi save mekem bodi o tingting blong yumi fo no klin. An bikos yumi tinghae tumas long God, yumi mas falom wei wea hemi barava holi.

1 Pita 1:17

Yufala gohed fo prea long God an kolem hem Dadi blong yufala. Bat hemi no save fevarem eniwan, an hemi jajem evriwan falom olketa samting wea olketa seleva i duim. Olsem, taem yufala laef yet long disfala wol, yufala mas tinghae long hem olowe.