Provebs 20:13 - Pijin Bible

¹³ Yu laek fo slip, bae yu pua. Wekap an waka, bae yu garem plande kaikai.

Pijin Deuterocanon

¹³ Yu laek fo slip, bae yu pua. Wekap an waka, bae yu garem plande kaikai.

Provebs 20:13 ပူးပေါင်းရင်းမြစ်များ

Provebs 10:4

Man hemi les, bae hemi pua, man hemi wiling bae hemi ris.

Provebs 12:11

Man hemi waka had hemi garem plande kaikai, man hemi westem taem no garem gud tingting.

Provebs 13:4

Wanem man hu i wakahad hemi laekem, hemi garem. Wanem Lesibon hemi laekem, hemi no garem.

Provebs 19:15

Lesibon hem slip, go-go hanggre nao.

Provebs 20:14

Taem man peim samting hem komplen long praes, bat bihaen hem tokpraod long samting ya.

Provebs 28:19

Man waka long gaden, bae garem plande kaikai. Bat man waka long drim, bae garem plande trabol.

Provebs 31:15

Hemi save wekap long eli moning fo redim kaikai blong famili blong hem, an fo talemaot waka long olketa haosgele.

Jona 1:6

Taem kapten hemi lukim hem, hemi hatem hem olsem, “!Ei! ?Hao nao yu slip nomoa olsem? !Yu wekap an prea go long god blong yu! Maet hemi save sore long yumi an bae yumi no dae.”

Leta wea Pol hemi raetem go long sios long Rom 12:11

Yufala mas no les, bat yufala mas gohed strong long waka oltaem, an yufala mas letem ful laef blong yufala fo gohed strong long waka blong Masta.

Leta wea Pol hemi raetem go long sios long Rom 13:11

Mi talem yufala fo duim olketa samting ya, bikos yufala save finis long disfala taem wea yumi stap long hem. Hemi kasem taem nao fo yufala wekap long slip blong yufala, bikos distaem hemi kolsap tumas nao fo God hemi kam fo sevem yumi, winim taem wea yumi jes stat fo biliv.

1 Korin 15:34

Yufala mas stat tingting gudfala moa, an yufala mas finis from disfala wei blong sin. Samfala long yufala, olketa nating save long God, an mi talem diswan mekem yufala filsem long hem.

Efesas 5:14

Bikos enisamting wea olketa pipol barava luksave long hem, hemi kamap olsem laet nao. Dastawe nao olketa save sei, “!Yufala hu i save slip, yufala wekap nao! Yufala laefbaek moa from dae, mekem laet blong Kraes hemi saenaot long yufala.”

2 Tesalonaeka 3:10

Taem mifala stap tugeta wetem yufala yet, mifala talem finis long yufala olsem, “Sapos eni man hemi les fo duim waka, yufala mas no givim eni kaikai long hem.”